നേര്യമംഗലം: കോവിഡ് പ്രതിരോധത്തിൻ്റെ ഭാഗമായി സർക്കാർ നിർദ്ദേശങ്ങൾ പാലിച്ചുകൊണ്ട് റെഡ് ക്രോസ് സൊസൈറ്റി നേര്യമംഗലം വില്ലേജ് യൂണിറ്റിൻ്റെ നേതൃത്വത്തിൽ നേര്യമംഗലം പ്രാഥമിക ആരോഗ്യ കേന്ദ്രത്തിലെ ഡോ ആൻസി, ഊന്നുകൽ പോലീസ് സ്റ്റേഷനിലെ എ.എസ്.ഐ സജീവ് കെ.ഇ എന്നിവർക്ക് മാസ്ക്, സാനിറ്റൈസർ, ഗ്ലൗസ് എന്നിവ അടങ്ങിയ പ്രതിരോധ കിറ്റ് റെഡ്ക്രോസ് കോതമംഗലം താലൂക്ക് ചെയർമാൻ ജോർജ് എടപ്പാറ കൈമാറി.
കൂടാതെ ഫോറസ്റ്റ് റെയിഞ്ച് ഓഫീസ്, വില്ലേജ് ഓഫീസ്, ഓട്ടോറിക്ഷ ഡ്രൈവേഴ്സിനും പൊതു സ്ഥാപനങ്ങളിലും കിറ്റ് നല്കി. നേര്യമംഗലം വില്ലേജ് യൂണിറ്റ് ചെയർമാൻ അബ്ദുൾ കരീം, റെഡ്ക്രോസ് ഭാരവാഹികളായ നാരായണൻ നായർ, എം.വി യാക്കോബ്, ഇ.എം സൻജീവ്, കെ.വി തോമസ്, ഹെൽത്ത് ഇൻസ്പെക്ടർമാരായ ജഗദീഷ്, ജോഷി, നൗഫി, ജീമോൾ, ഷീബ എന്നിവർ നേതൃത്വം നല്കി.
