കവളങ്ങാട്: പഞ്ചായത്ത് പതിനൊന്നാം വാർഡിലെയും, നേര്യമംഗലം എസ്.എസി ഹോസ്റ്റലിൽ അധിവസിക്കുന്നതുമായ എസ്.എസ്.എൽ.സി, പ്ലസ്ടു, വി.എച്ച്.എസ്.ഇ പരീക്ഷകളിൽ ഉന്നത വിജയം കൈവരിച്ച കുട്ടികൾക്കായി പ്രതിഭാ സംഗമം സംഘടിപ്പിച്ച് മെമ്പേഴ്സ് എക്സലന്റ് അവാർഡ് നൽകി ആദരിച്ചു. നേര്യമംഗലം എസ്.എസി കമ്മ്യൂണിറ്റി ഹാളിൽ വച്ച് നടന്ന പ്രതിഭാ സംഗമം ഊന്നുകൽ സർക്കിൾ ഇൻസ്പെക്ടർ രതീഷ് ഗോപാൽ ഉത്ഘാടനം ചെയ്തു.വാർഡ് മെമ്പർ ജിൻസിയ ബിജു അദ്ധ്യക്ഷത വഹിച്ചു. പ്രദേശത്തെ ഉന്നത വിജയം നേടിയ കുട്ടികളുടെ അക്കാദമിക് രംഗത്തെ പ്രോത്സാഹിപ്പിക്കുന്നതിനുവേണ്ടിയാണ് കഴിഞ്ഞ മൂന്ന് വർഷമായി വാർഡ് മെമ്പറുടെ നേതൃത്വത്തിൽ മെമ്പേഴ്സ് എക്സലൻ്റ് അവാർഡുകൾ നൽകി വരുന്നത്.
മുൻ കവളങ്ങാട് ഗ്രാമ പഞ്ചായത്ത് വൈസ് പ്രസിഡൻ്റ് പി.എം.ശിവൻ, നിള പ്രസിഡൻ്റ് രാജു
ചെറുപുറത്ത്, പി.ആർ.രവി, ജോയി അറക്കക്കുടി,എ.സി രാജശേഖരൻ,ഇ.എ. ഹനീഫ, പി.എം.റഷീദ് അജന്ത പുരുഷോത്തമൻ, രാധിക പ്രസന്നൻ, സി.എസ്.ബീവി, കെ.കെ.വിനു എന്നിവർ സംസാരിച്ചു. ആദരിക്കപ്പെട്ട കുട്ടികളും രക്ഷകർത്താക്കളും ചടങ്ങിൽ പങ്കെടുത്തു.സി.കെ രാജൻ സ്വാഗതവും കെ.എം.ഷെമീർ നന്ദിയും പറഞ്ഞു.
