തൊഴിലാളി കെട്ടിടത്തിനു മുകളില്‍നിന്ന് വീണുമരിച്ചു

പോത്താനിക്കാട്: ഞാറക്കാട് നിര്‍മാണത്തിലിരിക്കുന്ന കെട്ടിടത്തിന്റെ മുകളില്‍നിന്നും തൊഴിലാളി വീണുമരിച്ചു. ചേര്‍ത്തല കോടംതുരുത് നികര്‍ത്തില്‍ ഷിജു (46) വാണ് മരിച്ചത്. സീലിങ്ങ് തൊഴിലാളിയായ ഷിജു ഇന്നലെ ഉച്ചക്ക് 12.30 ന് ഭക്ഷണം കഴിക്കുവാനായി ഇറങ്ങിവരവേ കാല്‍വഴുതി വീഴുകയായിരുന്നു. സഹതൊഴിലാളികള്‍ ഉടന്‍തന്നെ വണ്ണപ്പുറത്തെ സ്വകാര്യ ആശുപത്രിയില്‍ പ്രവേശിപ്പിച്ചെങ്കിലും രക്ഷിക്കാനായില്ല. ഷിജു അവിവാഹിതനാണ്.