കോതമംഗലം: കവളങ്ങാട് സഹകരണ ബാങ്കില് 5.5 ശതമാനം പലിശനിരക്കില് പൊന്നോണ സ്കൂട്ടര് വായ്പാ പദ്ധതി ആരംഭിച്ചു. പദ്ധതിയുടെ ഉദ്ഘാടനം ബാങ്ക് പ്രസിഡന്റ് യാസര് മുഹമ്മദ് നിര്വഹിച്ചു. ആദ്യ ഗുണഭോക്താവിന് ബാങ്ക് പ്രസിഡന്റ് സ്കൂട്ടറിന്റെ താക്കോല് കൈമാറി.
ബാങ്ക് ഭരണസമിതി അംഗങ്ങളായ എം.ഡി ബാബു, പി.കെ അലിയാര്, ടി.എം റിയാസ്, പി.എം നൗഫല്, പി. ഫിലോമിന, ആശ ഷാജി, ബാങ്ക് സെക്രട്ടറി എം.കെ. അനീഷ്കുമാര് എന്നിവര് പങ്കെടുത്തു. കുറഞ്ഞ പലിശനിരക്കില് ആവശ്യമായ വായ്പാ സൗകര്യം ലഭ്യമാക്കുന്നതിന്റെ ഭാഗമായി ടിവിഎസ്, ഹോണ്ട, യമഹ, സുസുക്കി എന്നീ വാഹന നിര്മാതാക്കളുമായി സഹകരിച്ചാണ് സ്കൂട്ടര് വായ്പാ പദ്ധതി നടപ്പാക്കുന്നത്.
