കോതമംഗലം : നേര്യമംഗലം വനമേഖലയിൽ ഇടുക്കി റോഡിന് മുകളിലായി കാഴ്ചപ്പാറ ഭാഗത്ത് മലമുകളിൽ നിന്നും ഇന്നലെ വ്യാഴാഴ്ച്ച രാവിലെ 8:30ന് പാറ അടർന്ന് വീണിട്ടുണ്ട്. പാറ വീണ ഭാഗത്ത് ധാരാളം വൃക്ഷങൾ ഉള്ളതിനാൽ താഴ്ഭാഗം റോഡിന് സമീപത്തേക്ക് പതിച്ചിട്ടില്ല. ഇത്തരം സംഭവങ്ങൾ ഉണ്ടായാൽ ജനങ്ങൾ ഉടൻ വനത്തിനുള്ളിൽ പോയി നോക്കുന്നത് അങ്ങേയറ്റം അപകടകരമാണ്. ആയതിനാൽ വനത്തിനുള്ളിലേക്ക് പ്രവേശിക്കുവാൻ പാടുള്ളതല്ല. വില്ലാഞ്ചിറ തുടങ്ങി പനംകുട്ടി വരെയുള്ള ഭാഗത്ത് രാത്രി യാത്ര ചെയ്യുന്നതും വാഹനങ്ങൾ വനാതിർത്തിയിൽ നിർത്തിയിടുന്നതും ഒഴിവാക്കേണ്ടതാണ്. വനത്തിനുള്ളിൽ ഇത്തരം സംഭവങ്ങൾ ശ്രദ്ധയിൽ പെട്ടാൽ ഉടൻ താഴെ പറയുന്ന നമ്പറുകളിൽ വിവരം അറിയിക്കണമെന്ന് ഡെപ്യൂട്ടി റേഞ്ച് ഫോറെസ്റ്റ് ഓഫീസർ അറിയിച്ചു.
8547601442
8547601475
8547601450
