കോതമംഗലം: മദ്ധ്യവയസ്കനെ മരിച്ചനിലയില്‍ കണ്ടെത്തി. മദ്യലഹരിയിലായിരുന്ന മദ്ധ്യവയസ്കൻ നടന്ന് പോകുമ്പോൾ അബദ്ധത്തിൽ ഓടയില്‍ വീണതാണെന്നാണ് പോലിസിന്‍റെ നിഗമനം. മലയിന്‍കീഴ് നാടുകാണി റോഡില്‍ ആനക്കല്ലില്‍ ഇന്നലെ രാവിലെയാണ് നാട്ടുകാര്‍ മൃതദേഹം കണ്ടത്. നാടുകാണി തോണികണ്ടം മാപ്പാനിക്കാട്ട് എല്‍ദോസ് ( 55 ) ആണ് മരണപ്പെട്ടത്. ലോറി ഡ്രൈവറായിരുന്ന എൽദോസ് മദ്യ ഷാപ്പുകൾ തുറന്നതിന് ശേഷം നന്നായി മദ്യപിച്ചു പോകുന്നത് നാട്ടുകാരുടെ ശ്രദ്ധയിൽ പെട്ടിട്ടുമുണ്ട്‌. പോലീസ് എത്തി തുടർനടപടികൾ കൈക്കൊള്ളുകയും, മൃതദേഹം പോസ്റ്റുമോര്‍ട്ടത്തിനായി കളമശേരി മെഡിക്കല്‍ കോളേജ് ആശുപത്രിയിലേക്ക് മാറ്റുകയും ചെയ്‌തു.
