കോതമംഗലം: യാക്കോബായ സൺഡേ സ്കൂൾ അസോസിയേഷൻ ശതാബ്ദി സമ്മേളനത്തോട് അനുബന്ധിച്ച് തയ്യാറാക്കിയ ശതാബ്ദി ഗാനം “ഒരു ശത ചാരുതയിൽ MJSSA” CD പ്രകാശനം നടത്തി. കോതമംഗലം മാർ തോമ ചെറിയ പള്ളിയിൽ വച്ച് നടത്തിയ ചടങ്ങിൽ മേഖലാ മെത്രാപോലിത്ത ഏലിയാസ് മോർ യൂലിയോസ് തിരുമനസ്സുകൊണ്ട് വികാരി ഫാ. ജോസ് പരത്തുവയലിൽ ന് നൽകി പ്രകാശനം ചെയ്തു. യാൾഡിൻ ബാബു എഴുതി മനു വിശാഖ് സംഗീതം നൽകി ഷൈൻ കുമാർ ആലപിച്ച ഗാനത്തിന്റെ പ്രകാശന ചടങ്ങിൽ സൺഡേ സ്കൂൾ മേഖല വൈദീക കോ-ഓർഡിനേറ്റർ ഫാ. ജോർജജ് ചേരിയകുടി ചെറിയപള്ളി സഹ വികാരിമാരായ ഫാ. ജോസ് തച്ചേത്തുകുടി, ഫാ. ഏലിയാസ് പൂമറ്റത്തിൽ, ഫാ. ബിജോ കാവാട്ട്, ഫാ. ബേസിൽ ഇട്ടിയാണിക്കൽ മേഖലയിലെ വൈദീകർ, MJSSA അങ്കമാലി ഭദ്രാസന സെക്രട്ടറി ബിനു വർഗീസ്, എക്സിക്യൂട്ടീവ് കമ്മിറ്റി അംഗം പി. വി പൗലോസ് മേഖല ഡയറക്ടർ ഡി. കോര മേഖല സെക്രട്ടറി ജോൺ ജോസഫ് എന്നിവർ ചടങ്ങിൽ പങ്കെടുത്തു. ശതാബ്ദി സമ്മേളനം മെയ്‌ 15 ന് ആഗോള സർവ്വമത തീർത്ഥാടനകേന്ദ്രമായ കോതമംഗലം മാർ തോമ ചെറിയ പള്ളിയിൽ വച്ച് നടക്കും.
