കോട്ടപ്പടി : ഇന്ന് വൈകിട്ട് പ്ലാമൂടിയിൽ പുലിയുടെ ആക്രമണത്തിൽ വീട്ടമ്മക്ക് പരിക്ക്. പ്ലാമുടിയിൽ പട്ടാപകൽ പുലി അക്രമണം. പ്ലാമൂടി ചേറ്റൂർ മാത്യുവിന്റെ പറമ്പിൽ വെച്ചാണ് പുലിയുടെ ആക്രമം ഉണ്ടായത്. മാത്യു വിന്റെ ഭാര്യ റോസിലി പുരയിടത്തിലെ മഞ്ഞളിന് വളം ഇടുവാൻ പോയപ്പോൾ ആണ് പുലിയുടെ ആക്രണം നേരിടേണ്ടിവന്നത്. കൃഷി ചെയ്തിരുന്ന മഞ്ഞളിൽ അനക്കം കണ്ടതിനെ തുടർന്ന് നോക്കിയപ്പോൾ പതിങ്ങിയിരിക്കുകയായിരുന്ന പുലി റോസിലിയെ ആക്രമിക്കുകയായിരുന്നു. കൈയ്യിൽ ആഴത്തിൽ പരിക്കേറ്റതിനെത്തുടർന്ന് വിദഗ്ധ ചികിത്സക്കായി കോലഞ്ചേരി ആശുപത്രിയിൽ പ്രവേശിപ്പിച്ചു.
വലതു കൈയ്യിൽ ആഴത്തിൽ മുറിവുണ്ട്. ഇടത് കൈ വിരലിനും പരിക്കേറ്റു. പരിക്കറ്റ റോസിലിയെ കോതമംഗലം സെന്റ് ജോസഫ്( ധർമഗിരി) ആശുപത്രിയിൽ പ്രവേശിപ്പിക്കുകയും തുടർന്ന് വിദഗ്ധ ചികിത്സക്കായി കോലഞ്ചേരി ആശുപത്രിയിലേക്ക് മാറ്റുകയും ചെയ്‌തു.
