കോട്ടപ്പടി: മാർ ഏലിയാസ് ഹയർ സെക്കന്ററി സ്കൂളിലെ നാഷണൽ സർവ്വീസ് സ്കീം യൂണിറ്റിന്റെ സപ്തദിന ക്യാംപ് തുടങ്ങി. വൈവിധ്യമാർന്ന ക്ലാസ്സുകൾ, ഭരണഘടനാ വാരാചരണവുമായി ബന്ധപ്പെട്ട കാമ്പയിൻ, തനത് പ്രവർത്തനങ്ങൾ എന്നിവ ക്യാംപിന്റെ ഭാഗമായി സംഘടിപ്പിക്കും. ഗ്രാമ പഞ്ചായത്ത് പ്രസിഡന്റ് മിനി ഗോപി ക്യാംപ് ഉദ്ഘാടനം ചെയ്തു. വാർഡ് മെമ്പർ ബിജി പി ഐസക് അദ്ധ്യക്ഷനായി. വിദ്യാഭ്യാസ ആരോഗ്യ സ്റ്റാന്റിംഗ് കമ്മറ്റി ചെയർപേഴ്സൺ സാറാമ്മ ജോൺ മുഖ്യ സന്ദേശം നൽകി.
സ്കൂൾ മാനേജർ കെ കെ സുരേഷ്, പ്രിൻസിപ്പൽ ജീന കെ കുര്യാക്കോസ്, പിറ്റിഎ വൈസ് പ്രസിഡന്റ് എൽദോസ് കാരിപ്ര, പ്രോഗ്രാം ഓഫീസർ ഷിജി റ്റി എം, അസി. പ്രോഗ്രാം ഓഫീസർ ധന്യ രാധാകൃഷ്ണൻ , വോളന്റിയർ ലീഡർമാരായ അലൻ ബേബി , ട്രീസ സാബു എന്നിവർ പ്രസംഗിച്ചു. ക്യാംപ് ജനുവരി 1 ശനി സമാപിക്കും.
