കോതമംഗലം : കോവിഡ് മഹാമാരിയെ അതിജീവിച്ച് രണ്ടു വർഷത്തെ ഇടവേളയ്ക്ക് ശേഷം പുതിയ അധ്യയന വർഷത്തിൽ കുരുന്നുകളെ വരവേൽക്കുന്നതിന്റെ ഉപജില്ലാതല പ്രവേശനോത്സവം പാനിപ്ര ഗവൺമെന്റ് യു പി സ്കൂളിൽ നടന്നു.പ്രവേശനോത്സ വത്തിന്റെ ഉദ്ഘാടനം ആൻ്റണി ജോൺ എം എൽ എ നിർവ്വഹിച്ചു.
പഞ്ചായത്ത് പ്രസിഡന്റ് മിനി ഗോപി അധ്യക്ഷത വഹിച്ച ചടങ്ങിൽ ബ്ലോക്ക് പഞ്ചായത്ത് പ്രസിഡന്റ് പി എ എം ബഷീർ മുഖ്യപ്രഭാഷണം നടത്തി.പഞ്ചായത്ത് വൈസ് പ്രസിഡന്റ് മെറ്റിൻ മാത്യു,പഞ്ചായത്ത് മെമ്പർമാരായ സാറാമ്മ ജോൺ,ജിജി സജീവ്,ഉപജില്ലാ വിദ്യാഭ്യാസ ഓഫീസർ അംബിക പി,കാർട്ടൂണിസ്റ്റും മുൻ ബ്ലോക്ക് പഞ്ചായത്ത് പ്രസിഡന്റുമായ കെ എ ജോയി,മുൻ പഞ്ചായത്ത് പ്രസിഡന്റ് എം കെ വേണു,ബി പി സി സജീവ് കെ ബി,പൂർവ്വ വിദ്യാർത്ഥി സംഘടന ബിനു ഇറമ്പത്ത് എന്നിവർ ചടങ്ങിൽ സംസാരിച്ചു.സംഘാടക സമിതി ചെയർമാൻ സജി മാടവന സ്വാഗതവും സ്കൂൾ ഹെഡ്മാസ്റ്റർ അബു സി പി നന്ദിയും പറഞ്ഞു.
