കോതമംഗലം : കോതമംഗലം മാർ അത്തനേഷ്യസ് കോളേജിൽ ആരംഭിച്ചിരിക്കുന്ന പച്ചക്കറിതോട്ടത്തിലാണ് കൃഷി രീതികൾ ഹൈ ടെക് ആക്കിയത്.ആധുനിക കൃഷി പരിപാലന രീതികളായ ഡ്രിപ് ഫെർട്ടിഗെഷനും, പ്ലാസ്റ്റിക് പുതയിടലും കോളേജ് നടപ്പിലാക്കി. കലാലയങ്ങളിൽ കൃഷി പ്രോത്സാഹിപ്പിക്കുന്നതിനായി കേരള സർക്കാർ കാർഷിക വികസന കർഷകക്ഷേമ വകുപ്പ് നടപ്പിലാക്കുന്ന ‘വിളവ് ‘ പദ്ധതിയുടെ ഭാഗമായിട്ടാണ് കോളേജിലെ ഒരേക്കർ സ്ഥലത്ത് പച്ചക്കറി കൃഷി ആരംഭിച്ചത്. ഇവിടെയാണ് ഇത് നടപ്പിലാക്കിയത്.ഒരു പച്ചക്കറി തൈക്ക് വേണ്ട വെള്ളത്തിന്റെയും, വളത്തിന്റെയും അളവ് കൃത്യമായി നിർണ്ണയിച്ചു, അത്രയും വെള്ളവും, വളവും മാത്രം തുള്ളിയായി കൃത്യമായ ഇടവേളകളിൽ ചെടിയുടെ ചുവട്ടിൽ നൽകുന്ന ആധുനിക രീതിയാണിത്. മണ്ണിലെ ജലം നഷ്ടപ്പെടാതെ സംരക്ഷിക്കുന്നതിനാണ് പ്ലാസ്റ്റിക് പുതയിടൽ നടത്തുന്നത്.

കാലാവസ്ഥക്കെടുതികൾ വർധിക്കുന്ന സാഹചര്യത്തിൽ വലിയ കൃഷിയിടങ്ങളിൽ മാത്രമല്ല, ചെറിയ അടുക്കളത്തോട്ടങ്ങളിൽപോലും തുള്ളിനനയ്ക്ക് പ്രസക്തിയേറെയാണ്.നീളത്തിൽ വരമ്പുകൾ നിർമ്മിച്ച് അതിന് മുകളിലായി അനുവദനിയമായ കനത്തിലുള്ള പ്ലാസ്റ്റിക് ഷീറ്റ് വിരിച്ചു കൃത്യമായ അകലത്തിൽ സുക്ഷിരങ്ങൾ നിർമിച്ച് തൈകൾ നടാനുള്ള സംവിധാനമാണ് പ്ലാസ്റ്റിക് പുതയിടൽ. മണ്ണിലെ ജലാംശം നഷ്ടപ്പെടാതെ ജലത്തെ മണ്ണിൽ പിടിച്ചു നിർത്താനും,മണ്ണിൽ ദോഷകാരികളായ സൂക്ഷ്‌മണുക്കളുടെ വളർച്ച കുറക്കാനും, മഴ വെള്ളത്തിൽ മണ്ണും, വളവും ഒലിച്ചു പോകാതിരിക്കാനും, കള നിയന്ത്രണത്തിനും വളരെ ഫല പ്രദമാണ് പ്ലാസ്റ്റിക് പുത.ജലവും, വളവും മാത്രമല്ല സമയവും, അധ്വാനവും ലാഭിക്കാൻ സഹായകമായ ഇത്തരം ആധുനിക കൃഷി സമ്പ്രദായങ്ങളെകുറിച്ച് വിദ്യാർത്ഥികൾക്ക് അവബോധം നൽകുകയാണ് ഈ കൃഷി രീതികൾ കൊണ്ട് കോളേജ് ഉദ്ദേശിക്കുന്നതെന്ന് പ്രിൻസിപ്പൽ ഡോ. ഡെൻസിലി ജോസ് പറഞ്ഞു.ജലം മാത്രമല്ല, സമയവും, അധ്വാനവും ലാഭിക്കാൻ സഹായകമായ ഇത്തരം തുള്ളിനന സംവിധാനങ്ങൾ പാർട് ടൈം കർഷകരേറെയുള്ള കേരളത്തിന് ഏറെ യോജ്യമാണ്.

ചെറുടാങ്കുകളിൽനിന്നു ഗ്രോബാഗിലും, ബെഡുകളിലുമൊക്കെ വളരുന്ന പച്ചക്കറിവിളകളുടെ ചുവട്ടിലേക്ക് കുഴലുകളിലൂടെ വെള്ളമെത്തിക്കുന്ന രീതിയാണ് ഡ്രിപ് ഇറിഗേഷൻ അഥവ തുള്ളി നന.വെള്ളത്തോടൊപ്പം പോഷകങ്ങളും മറ്റും കലർത്തി നൽകുകയും ചെയ്യും.വെള്ളത്തിൽ എളുപ്പത്തിൽ ലയിക്കുന്ന വളങ്ങളാണ് ഇതിനായി ഉപയോഗിക്കുന്നത്.
എം. എ. ആർട്സ് & എഞ്ചിനീറിങ് കോളേജുകളിലെ നേച്ചർ ക്ലബും , എൻ എസ് എസ് യൂണിറ്റും,കോതമംഗലം കൃഷി വകുപ്പും സംയുക്തമായാണ് ഒരേക്കർ സ്ഥലത്തു പച്ചക്കറി കൃഷി നടത്തുന്നത് .വെണ്ട, വഴുതന, പാവൽ, പയർ, പടവലം, ചീര, തക്കാളി, മുളക് തുടങ്ങിയവയാണ് കൃഷി ചെയ്തിരിക്കുന്നത്.കോളേജിലെ നേച്ചർ ക്ലബ്‌ &എൻ എസ് എസ് വിദ്യാർത്ഥികളും,പ്രോഗ്രാം കോർഡിനേറ്റർമാരായ ഡോ. മേരിമോൾ മൂത്തേടൻ, ഡോ. അൽഫോൻസാ സി. എ, ഡോ. എൽദോസ് എ.വൈ എന്നിവർ പരിപാടികൾക്ക് നേതൃത്വം കൊടുത്തു.

കോതമംഗലം: യുഡിഎഫ് കർഷക കോ-ഓർഡിനേഷൻ കമ്മിറ്റി വിഭാവനം ചെയ്ത കർഷക സമൃദ്ധി പദ്ധതി യുഡിഎഫ് ജില്ലാ കൺവീനർ ഷിബു തെക്കുംപുറം ഉദ്ഘാടനം ചെയ്തു. പദ്ധതിയിൽ അർഹരായവർക്ക് നടീൽ വസ്തുക്കളും വളവും സൗജന്യമായി നൽകും. പല്ലാരിമംഗലം പഞ്ചായത്തിലെ അടിവാട് ഊദ് വൃക്ഷ തൈകൾ നട്ടു കൊണ്ടായിരുന്നു പദ്ധതിയുടെ ഉദ്ഘാടനം. പൊന്നിനെക്കാള്‍ വിലയുള്ള മരമെന്നാണ് ഊദിനെ കുറിച്ചു പറയുന്നത്. സുഗന്ധ ലേപനങ്ങൾ നിര്‍മ്മിക്കാന്‍ ഉപയോഗിക്കുന്ന ഊദിന് വിപണിയിൽ ഉയർന്ന വിലയുണ്ട്. വലിയ പരിചരണം ആവശ്യമില്ലെന്ന പ്രത്യേകയും ഇതിനുണ്ട്. കോ-ഓർഡിനേഷൻ കമ്മിറ്റി കൺവീനർ ജെയിംസ് കോറമ്പേൽ അധ്യക്ഷത വഹിച്ചു.

കർഷക കോൺഗ്രസ് സംസ്ഥാന സെക്രട്ടറി പി.സി.ജോർജ്, സിസമോൾ ഈസ്മയിൽ, കെ.ഇ.കാസിം,പി.കെ.മൊയ്തു, ബോബൻ ജേക്കബ്, സജി തെക്കേക്കര, കരുണാകരൻ പുനത്തിൽ, അഷറഫ് മംഗലത്തുപറമ്പിൽ, പി.എം. സിദ്ധിഖ്, സിജു ഇല്ലത്തുക്കുടി,സി.എച്ച്.സിദ്ധിഖ്, കെ.പി.മുഹമ്മദ് എന്നിവർ പ്രസംഗിച്ചു.

ഫോട്ടോ : യുഡിഎഫ് കർഷക സമൃദ്ധി പദ്ധതിയുടെ ഉദ്ഘാടനം ഊദ് വൃക്ഷതൈ നട്ട് യുഡിഎഫ് ജില്ലാ കൺവീനർ ഷിബു തെക്കുംപുറം നിർവഹിക്കുന്നു.

കോതമംഗലം: കാർഷികോൽപന്നങ്ങളുടെ വില തകർച്ചയിൽ നിന്നു കർഷകരെ രക്ഷിക്കാൻ കാർഷിക വിഭവ സംഭരണ, വിപണ പദ്ധതിക്ക് യുഡിഎഫ് കർഷക സംഘടനകളുടെ കോ-ഓർഡിനേഷൽ തുടക്കമിട്ടു.
കർഷകരിൽ നിന്നു നേരിട്ട് മാന്യമായ വിലയിൽ ശേഖരിക്കുന്ന ഉൽപന്നങ്ങൾ സബ്സിഡി നിരക്കിൽ വിറ്റഴിക്കുന്ന സംവിധാനമാണിത്. പദ്ധതിയുടെ ഉദ്ഘാടനം നെല്ലിമറ്റത്ത് യുഡിഎഫ് ജില്ലാ കൺവീനർ ഷിബു തെക്കുംപുറം ഉദ്ഘാടനം ചെയ്തു. കൃഷിയിടങ്ങളിൽ നിന്ന് നേരിട്ടെടുക്കുന്ന ഉൽപന്നങ്ങൾ വിപണിയിൽ എത്തിക്കാൻ വാഹന സൗകര്യവും ഏർപ്പെടുത്തിയിട്ടുണ്ട്‌. കോ-ഓർഡിനേഷൽ കമ്മിറ്റി കൺവീനർ ജെയിംസ് കോറമ്പേൽ അധ്യക്ഷത വഹിച്ചു. കവളങ്ങാട് പഞ്ചായത്ത് പ്രസിഡൻ്റ് ഷൈജൻ്റ് ചാക്കോ, കർഷക കോൺഗ്രസ് സംസ്ഥാന സെക്രട്ടറി പി.സി.ജോർജ്,സജി തെക്കേക്കര,ബാബു ഏലിയാസ്, ബിജു വെട്ടിക്കുഴ,എൻ.എഫ്.തോമസ്,ജോളി മങ്ങാട്ട്,മാർട്ടിൻ കീഴേമാടൻ,കെ.വർഗീസ് എന്നിവർ പ്രസംഗിച്ചു.

ഫോട്ടോ : യുഡിഎഫ് കർഷക സംഘടനകളുടെ കോ-ഓർഡിനേഷൽ കമ്മിറ്റി കോതമംഗലത്ത് ആരംഭിച്ച കാർഷിക വിഭവ സംഭരണ പദ്ധതി യുഡിഎഫ് ജില്ലാ കൺവീനർ ഷിബു തെക്കുംപുറം ഉദ്ഘാടനം ചെയ്യുന്നു.