ബൈക്കും ഓട്ടോയും കൂട്ടിയിടിച്ചു അധ്യാപകൻ മരിച്ചു.

കോതമംഗലം : കൊച്ചി-ധനുഷ് കോടി ദേശീയപാതയിൽ അടിമാലി മച്ചിപ്ലാവിൽ ഓട്ടോറിക്ഷയും സ്‌കൂട്ടറും കൂട്ടിയിടിച്ചുണ്ടായ അപകടത്തിൽ സ്കൂട്ടറിൽ യാത്ര ചെയ്‌തിരുന്ന  അധ്യാപകൻ മരിച്ചു. അടിമാലി മച്ചിപ്ലാവ് പോസ്റ്റ് ഓഫീസ് ജംഗ്ഷനിൽ കൊച്ചുകരോട്ട് വീട്ടിൽ ഡെന്നീസ് (44) ആണ് മരിച്ചത്. ശനിയാഴ്‌ച രാത്രി എട്ടുമണിയോടെ മച്ചിപ്ലാവ്, ചാറ്റുപാറ ക്ഷേത്രത്തിന് സമീപം ദേശീയ പാതയിലാണ് അപകടം നടന്നത്.

അടിമാലിയിൽ നിന്നും മച്ചിപ്ലാവിലേക്ക് സ്‌കൂട്ടറിൽ പോകുമ്പോൾ എതിരെ വന്ന ഓട്ടോയുമായി കൂട്ടിയിടിച്ചാണ് അപകടം. ഉടൻ അടിമാലി താലൂക്ക് ആശുപത്രിയിൽ എത്തിച്ചെങ്കിലും രക്ഷിക്കാനായില്ല. കോതമംഗലം സെൻ്റ് ജോർജ് ഹയർ സെക്കണ്ടറി സ്കൂളിലെ  അധ്യാപകനാണ്. മൃതദേഹം അടിമാലി താലൂക്ക് ആശുപത്രി മോർച്ചറിയിൽ. ഭാര്യ :ബീന, അദ്ധ്യാപിക, ഫാത്തിമാ മാതാ ഹയർസെക്കണ്ടറി സ്കൂൾ കൂമ്പൻപാറ, അടിമാലി. മക്കൾ: നിഹറ, നിഹ.(അടിമാലി വിശ്വദീപ്തി സി എം ഐ പബ്ലിക് സ്കൂൾ വിദ്യാർത്ഥികൾ )