കോതമംഗലം: അർദ്ധരാത്രിയിൽ വീട്ടിൽ കയറി മകനെയും പിതാവിനെയും മാതാവിനെയും മർദിച്ചു. വർക്ക് ഷോപ്പിൽ റിപ്പയറിംഗിനായി നൽകിയിരുന്ന ഇവരുടെ കാറും കത്തിച്ചു. നേര്യമംഗലം 46 ഏക്കർ കണിശേരിൽ വിഷ്ണു (25), പിതാവ് പ്രകാശ് (55), മാതാവ് ഉഷ (48) എന്നിവരെയാണ് മർദിച്ചത്. വ്യാഴാഴ്ച രാത്രി 12 മണിയോടെ ഒരു സംഘം എത്തി വിഷ്ണുവിനെ മർദിച്ചു. ബഹളം കേട്ട് അടുത്ത മുറിയിൽ നിന്നു ഓടിയെത്തിയ പിതാവിനെയും മാതാവിനെയും മർദിക്കുകയായിരുന്നു. വൈദ്യുതി ബന്ധം വിച്ഛേദിച്ച ശേഷമായിരുന്നു ആക്രമം. ബഹളം കേട്ട് സമീപ വാസികൾ ഓടിയെത്തിയപ്പോഴേക്കും അക്രമി സംഘം രക്ഷപ്പെട്ടു.
നേര്യമംഗലത്തെ ഒരു വർക്ക് ഷോപ്പിൽ റിപ്പയറിംഗിനായി നൽകിയിരുന്ന ഇവരുടെ മാരുതി ഓൾട്ടോ കാർ കത്തിച്ചു. സമീപം പാർക്ക് ചെയ്തിരുന്ന ഓട്ടോ റിക്ഷക്കും വർക്ക് ഷോപ്പിനും നാശം സംഭവിച്ചു. ഒരു യുവതിയുമായി വിഷ്ണുവിന് അടുപ്പമുണ്ടായിരുന്ന തിന്റെ പേരിലാകാം ആക്രമമെന്നാണ് നിഗമനം. എന്നാൽ വിഷയം ഒരു മാസം മുൻപ് പറഞ്ഞ് അവസാനിപ്പിച്ചിരുന്ന തായും ഇവർ പറയുന്നു. അക്രമി സംഘത്തിലെ ഒരാളെ തിരിച്ചറിയാമെന്നു വിഷ്ണു പറഞ്ഞു. ഊന്നുകൽ പോലീസിൽ പരാതി നൽകി. പോലീസ് കേസ് അന്വേഷിച്ചു വരുന്നു.
