എറണാകുളം : കേരളത്തില്‍ ഇന്ന് 8135 പേര്‍ക്ക് കോവിഡ്-19 സ്ഥിരീകരിച്ചതായി മുഖ്യമന്ത്രി പിണറായി വിജയന്‍ അറിയിച്ചു. രോഗം സ്ഥിരീകരിച്ച് ചികിത്സയിലായിരുന്ന 2828 പേരുടെ പരിശോധനാഫലം നെഗറ്റീവ് ആയി. ഇതോടെ 72,339 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 1,31,052 പേര്‍ ഇതുവരെ കോവിഡില്‍ നിന്നും മുക്തി നേടി. കോതമംഗലത്ത് 19 പേര്‍ക്കൂകൂടി ഇന്ന് വ്യാഴാഴ്ച്ച കോവിഡ് സ്ഥിരീകരിച്ചു. മുനിസിപ്പാലിറ്റിയില്‍ പതിനൊന്നുപേരാണ് പുതിയതായി രോഗികളായത്. നെല്ലിക്കുഴില്‍ അഞ്ചുപേരും വാരപ്പെട്ടിയില്‍ മൂന്നുപേരും പോസിറ്റീവായി. പല്ലാരിമംഗലം ഒന്നാം വാര്‍ഡും വാരപ്പട്ടി എട്ടാം വാര്‍ഡും കണ്ടെയിന്‍മെന്‍റ് സോണുകളാക്കിയിട്ടുണ്ട്.

കോവിഡ് വ്യാപനം തടയുന്നതിനായി ജില്ലാ കളക്ടറുടെ നിർദ്ദേശാനുസരണം കോതാംഗലം താലൂക്ക് ഓഫീസിൽ ഇന്നലെ ചേർന്ന റവന്യൂ, പൊലീസ്, ഹെൽത്ത്, വ്യാപാരി വ്യവസായി പ്രതിനിധികൾ തുടങ്ങിയവരുടെ യോഗത്തൽ കോവിഡ് നിയമങ്ങൾ തെറ്റിക്കുന്നവരക്കെതിരെ കർശന നടപടികൾ എടുക്കുവാൻ ധാരണയായി. ഇതിനായി താലൂക്ക് തലത്തിൽ സ്ക്വാഡ് രൂപീകരിച്ചു.

കച്ചവട സ്ഥാപനങ്ങളിൽ എത്തിച്ചേരുന്നവർ മാസ്ക്ക് ധരിക്കുന്നുണ്ടെന്നും സാമൂഹിക അകലം പാലിക്കുന്നുണ്ടെന്നും സ്ഥാപന ഉടമകൾ ഉറപ്പ് വരുത്തേണ്ടതാണ്. കോവിഡ് പ്രോട്ടോക്കോൾ ലംഘനം നടത്തുന്ന സ്ഥാപനങ്ങളുടെ വിവരം അതാത് തദ്ദേശ സ്വയംഭരണ സ്ഥാപനങ്ങൾക്ക് നൽകുകയും ടി സ്ഥാപനങ്ങളുടെ ലൈസൻസ് റദ്ദ് ചെയ്യുന്നതിനുള്ള നടപടി സ്വീകരിക്കുമെന്നും തഹസിൽദാർ അറിയിച്ചു. വഴിയോര കച്ചവടങ്ങൾ നിയന്ത്രിക്കുന്നതിന് നടപടി സ്വീകരിക്കാനായി മുനിസിപ്പൽ സെക്രട്ടറിക്ക് തഹസിൽദാർ നിർദ്ദേശംം നൽകി.

• ജില്ലയിൽ ഇന്ന് 934 പേർക്ക് രോഗം സ്ഥിരീകരിച്ചു.
• വിദേശം/ ഇതര സംസ്ഥാനത്ത് നിന്നെത്തിയവർ – 26
• സമ്പർക്കം വഴി രോഗം സ്ഥിരീകരിച്ചവർ- 740
• ഉറവിടമറിയാത്തവർ – 150
• ആരോഗ്യ പ്രവർത്തകർ- 16
• ഐ .എൻ.എച്ച് .എസ് – 2
• ഇന്ന് 226 പേർ രോഗ മുക്തി നേടി. ഇതിൽ 224 പേർ എറണാകുളം ജില്ലക്കാരും 2 പേർ മറ്റ് ജില്ലക്കാരുമാണ്.
• ഇന്ന് 1410 പേരെ കൂടി ജില്ലയിൽ പുതുതായി വീടുകളിൽ നിരീക്ഷണത്തിലാക്കി. നിരീക്ഷണ കാലയളവ് അവസാനിച്ച 2006 പേരെ നിരീക്ഷണ പട്ടികയിൽ നിന്നും ഒഴിവാക്കുകയും ചെയ്തു നിരീക്ഷണത്തിൽ ഉള്ളവരുടെ ആകെ എണ്ണം 23429 ആണ്. ഇതിൽ 21654 പേർ വീടുകളിലും 146 പേർ കോവിഡ് കെയർ സെന്ററുകളിലും 1629 പേർ പണം കൊടുത്തുപയോഗിക്കാവുന്ന സ്ഥാപനങ്ങളിലുമാണ്.
• ഇന്ന് 237 പേരെ ആശുപത്രിയിൽ/ എഫ് എൽ റ്റി സിയിൽ പ്രവേശിപ്പിച്ചു.
• വിവിധ ആശുപ്രതികളിൽ/ എഫ് എൽ റ്റി സികളിൽ നിന്ന് 129 പേരെ ഇന്ന് ഡിസ്ചാർജ് ചെയ്തു.
• നിലവിൽ രോഗം സ്ഥിരീകരിച്ചു ചികിത്സയിൽ കഴിയുന്നവരുടെ എണ്ണം 7656 (ഇന്ന് റിപ്പോർട്ട് ചെയ്ത പോസറ്റീവ് കേസുകൾ ഉൾപ്പെടാതെ)
• കളമശ്ശേരി മെഡിക്കൽ കോളേജ് – 232
• പി വി എസ് – 27
• സഞ്ജീവനി – 110
• സ്വകാര്യ ആശുപത്രികൾ – 697
• എഫ് എൽ റ്റി സികൾ – 1775
• വീടുകൾ – 4815
• ജില്ലയിൽ കോവിഡ് രോഗം സ്ഥിരീകരിച്ച് ചികിത്സയിൽ കഴിയുന്നവരുടെ എണ്ണം 8590 ആണ്.
• ഇന്ന് ജില്ലയിൽ നിന്നും കോവിഡ് 19 പരിശോധനയുടെ ഭാഗമായി 1923 സാമ്പിളുകൾ കൂടി പരിശോധയ്ക്ക് അയച്ചിട്ടുണ്ട്. ഇന്ന് 2062 പരിശോധന ഫലങ്ങളാണ് ലഭിച്ചത്. ഇന്ന് അയച്ച സാമ്പിളുകൾ ഉൾപ്പെടെ ഇനി 1278 ഫലങ്ങളാണ് ലഭിക്കാനുള്ളത്.
• ജില്ലയിലെ സ്വകാര്യ ലാബുകളിൽ നിന്നും സ്വകാര്യ ആശുപത്രികളിൽ നിന്നുമായി ഇന്ന് 3397 സാമ്പിളുകൾ പരിശോധനയ്ക്കായി ശേഖരിച്ചു.
• ഇന്ന് 501 കോളുകൾ ആണ് കൺട്രോൾ റൂമിൽ ലഭിച്ചത്. ഇതിൽ 391 കോളുകൾ പൊതുജനങ്ങളിൽ നിന്നുമായിരുന്നു.
• ജില്ലയിലെ ഗവണ്മെന്റ് ആശുപത്രികളിളേയും, പ്രൈവറ്റ് ആശുപത്രികളിലെയും ഡോക്ടർമാർക്ക് കോവിഡ് ചികിത്സ പ്രോട്ടോക്കോൾ, ഇൻഫെക്ഷൻ കൺട്രോൾ, ടെസ്റ്റിങ് എന്നിവയെക്കുറിച്ച് പരിശീലനം നടത്തി.
• ഡോക്ടർമാർക്കും നേഴ്സ് മാർക്കും ഉള്ള കോവിഡ് ഐസിയു പരിശീലന പരിപാടിയുടെ രണ്ടാമത്തെ ബാച്ചിൻറെ പരിശീലനം ഗവണ്മെന്റ് കോവിഡ് അപെക്സ് ആശുപത്രിയായി തിരഞ്ഞെടുക്കപ്പെട്ട കലൂർ പി വി എസ് ആശുപത്രിയിൽ നടന്നുകൊണ്ടിരിക്കുന്നു.
• വാർഡ് തലത്തിൽ 4722 വീടുകൾ സന്ദർശിച്ചു ബോധവൽക്കരണം നടത്തി. വീടുകളിൽ നിരീക്ഷണത്തിൽ കഴിയുന്നവരുമായി ഫോൺ വഴി ബന്ധപ്പെട്ട് ആരോഗ്യ സ്ഥിതിയും വിലയിരുത്തി വരുന്നു.
• കൊറോണ കൺട്രോൾറൂമിന്റെ കീഴിൽ പ്രവർത്തിക്കുന്ന ടെലി ഹെൽത്ത് ഹെൽപ്പ് ലൈൻ സംവിധാനത്തിൽ നിന്ന് വീഡിയോ കോൾ വഴി ഇന്ന് നിരീക്ഷണത്തിൽ കഴിയുന്ന 188 പേർക്ക് സേവനം നൽകി. ഇവർ ഡോക്ടറുമായി നേരിൽ കണ്ട് സംസാരിക്കുകയും ആശങ്കകൾ പരിഹരിക്കുകയും ചെയ്തു.

കൊറോണ കൺട്രോൾറൂം
എറണാകുളം 1/10/ 20
ബുള്ളറ്റിൻ – 6.15 PM
ജില്ലാ കളക്ടർ
എറണാകുളം
ജില്ലാകൺട്രോൾറൂം നമ്പർ : 0484 2368802/2368902/2368702