കോതമംഗലം : ആഗോള സർവ്വ മത തീർത്ഥാടന കേന്ദ്രമായ കോതമംഗലം മാർ തോമ ചെറിയ പള്ളിയിൽ കബറടങ്ങിയിരിക്കുന്ന മഹാ പരിശുദ്ധനായ യൽദോ മാർ ബസേലിയോസ് ബാവായുടെ 337- മത് ഓർമ്മപ്പെരുന്നാൾ 2022 സെപ്റ്റംബർ 25 ന് കൊടികയറും. ഒക്ടോബർ 4 ന് പെരുന്നാൾ ചടങ്ങുകൾ അവസാനിക്കും. എല്ലാ ഒരുക്കങ്ങളും പൂർത്തിയായതായി വികാരി ഫാ. ജോസ് പരത്തുവയലിൽ വാർത്ത സമ്മേളനത്തിൽ അറിയിച്ചു.
ശ്രേഷ്ഠ കാതോലിക്കയും ഇടവക മെത്രാപ്പോലീത്തായുമായ ഡോ. ആബൂൻ മോർ ബസേലിയോസ് തോമസ് പ്രഥമൻ ബാവായുടെ മഹനീയ കാർമ്മികത്വത്തിലും പരിശുദ്ധ സഭയിലെ അഭിവന്ദ്യരായ മെത്രാപ്പോലീത്തന്മാരുടെ സഹകാർമ്മികത്വത്തിലുമാണ് പെരുന്നാൾ ചടങ്ങുകൾ നടക്കുന്നത്. സെപ്റ്റംബർ 14 ന് മെത്രാപോലിത്തയായി വാഴിക്കപെട്ട മർക്കോസ് മാർ ക്രിസ്റ്റോഫോറസ് മെത്രാപോലിത്ത പെരുന്നാൾ ചടങ്ങുകളിൽ സംബന്ധിക്കും.
പെരുന്നാൾ പോഗ്രാം
2022 സെപ്തംബർ 25 ഞായർ
5.15 am :
പ്രഭാത നമസ്കാരം
6.00 am : വി.കുർബ്ബാന
7.15 am : വി.കുർബ്ബാന
9.00 am : വി.കുർബ്ബാന അഭി.ഏലിയാസ്
മോർ യൂലിയോസ്
മെത്രാപ്പോലീത്ത
4.00 pm:
പരിശുദ്ധ യൽദോ മാർ ബസേലിയോസ് ബാവായുടെ തൃപ്പാദസ്പർശനത്താലും, തിരുശേഷിപ്പിനാലും അനുഗ്രഹീതമായ ചക്കാലക്കുടി വി. യൽദോ മോർ ബസേലിയോസ് ചാപ്പലിൽ നിന്നും പള്ളിയിലേക്ക് പ്രദക്ഷിണം
5.00 pm: പരി.ബസേലിയോസ് ബാവായുടെ 337 – മത് ഓർമ്മപ്പെരുന്നാളിന് തുടക്കം കുറിച്ചു കൊണ്ടുള്ള കൊടിയേറ്റ് വികാരി ഫാ. ജോസ് പരത്തുവയലിൽ നിർവഹിക്കും
6.00 pm: സന്ധ്യാ നമസ്ക്കാരം
2022 സെപ്തംബർ 26 തിങ്കൾ
കൽക്കുരിശ് പെരുന്നാൾ
7.15 am: പ്രഭാത നമസ്കാരം
8.00 am : വി.മൂന്നിന്മേൽ കുർബ്ബാന
പള്ളിയുടെ പടിഞ്ഞാറേ കൽക്കുരിശിങ്കലേക്ക് പ്രദക്ഷിണം
3.00 pm: പെരുന്നാൾ കച്ചവടത്തിനുള്ള സ്റ്റാൾ ലേലം
6.00 pm: സന്ധ്യാ നമസ്കാരം
2022 സെപ്തംബർ 27 ചൊവ്വ
7.15 am: പ്രഭാത നമസ്കാരം
8.00 am : വി.മൂന്നിന്മേൽ കുർബ്ബാന
6.00 pm: സന്ധ്യാ നമസ്കാരം
2022 സെപ്തംബർ 28 ബുധൻ
7.15 am: പ്രഭാത നമസ്കാരം
8.00 am : വി.മൂന്നിന്മേൽ
കുർബ്ബാന
6.00 pm: സന്ധ്യാ നമസ്കാരം
2022 സെപ്തംബർ 29 വ്യാഴം
7.15 am: പ്രഭാത നമസ്കാരം
8.00 am : വി.മൂന്നിന്മേൽ കുർബ്ബാന
6.00 pm: സന്ധ്യാ നമസ്കാരം
2022 സെപ്തംബർ 30 വെള്ളി
7.15 am: പ്രഭാത നമസ്കാരം
8.00 am : വി.മൂന്നിന്മേൽ കുർബ്ബാന
600 pm : സന്ധ്യാ
നമസ്കാരം
2022 ഒക്ടോബർ 01 ശനി
7.15 am: പ്രഭാത
നമസ്കാരം
8.00 am : വി.മൂന്നിന്മേൽ കുർബ്ബാന
6.00 pm: സന്ധ്യാ നമസ്കാരം
2022 ഒക്ടോബർ 02 ഞായർ
5.15 am: പ്രഭാത നമസ്കാരം
6.00 am : വി.കുർബ്ബാന
7.15 am : വി. കുർബാന
9:00 am. വി. കുർബാന
ശ്രേഷ്ഠ കാതോലിക്ക ഡോ.ആബൂൻ മോർ ബസേലിയോസ് തോമസ് പ്രഥമൻ ബാവ തിരുമനസ്സുകൊണ്ട്
3.00 pm: മേമ്പൂട്ടിൽ നിന്ന് പള്ളി ഉപകരണങ്ങൾ ആഘോഷമായി പള്ളിയകത്തേക്ക് കൊണ്ടുപോകുന്നു
5.00 pm: തീർത്ഥാടക സംഘത്തിന് സ്വീകരണം
ഹൈറേഞ്ച് മേഖല : കോഴിപ്പിള്ളി കവലയിൽ
പടിഞ്ഞാറൻ മേഖല : മുവാറ്റുപുഴ കവലയിൽ
വടക്കൻ മേഖല : ഹൈറേഞ്ച് കവലയിൽ
പോത്താനിക്കാട് മേഖല : ചക്കാലക്കുടി ചാപ്പലിൽ
7.00 pm: സന്ധ്യാ നമസ്കാരം
ശ്രേഷ്ഠ കാതോലിക്ക ഡോ. ആബൂൻ മോർ ബസേലിയോസ് തോമസ് പ്രഥമൻ ബാവായുടെ മഹനീയ കാർമ്മികത്വത്തിലും പരി.സഭയിലെ അഭി.പിതാക്കന്മാരുടെ സഹകാർമ്മികത്വത്തിലും
8.00 pm : പ്രസംഗം
ശ്രേഷ്ഠ ബാവ തിരുമേനി
10.00 pm പ്രദക്ഷിണം
പള്ളിയിൽ നിന്നും പുറപ്പെട്ട് വലിയ പള്ളി, മലയിൻകീഴ് കുരിശ്, എം.ബി.എം.എം. ആശുപത്രി, ടൗൺ കുരിശ് എന്നിവടങ്ങളിൽ കൂടി മാർ ബേസിൽ ഹയർ സെക്കണ്ടറി സ്കൂൾ റോഡ് വഴി തിരിച്ചെത്തുന്നു
തുടർന്ന് ആശീർവ്വാദം, കരിമരുന്ന് പ്രയോഗം
2022 ഒക്ടോബർ 03 തിങ്കൾ
6.00 am : പ്രഭാത നമസ്ക്കാരം
5.30 am : വി.കുർബ്ബാന
അഭി.ഡോ.എബ്രാഹാം മോർ സേവേറിയോസ് മെത്രാപ്പോലീത്ത
6.45 am: വി.കുർബ്ബാന
അഭി.ഡോ.ജോസഫ് മോർ ഗ്രീഗോറിയോസ് മെത്രാപ്പോലീത്ത
8.30 am വി.കുർബ്ബാന, പെരുന്നാൾ *സന്ദേശം
ശ്രേഷ്ഠ കാതോലിക്ക ഡോ. ആബൂൻ മോർ ബസേലിയോസ് തോമസ് പ്രഥമൻ ബാവ തിരുമനസ്സുകൊണ്ട്
10.30 am : നേർച്ച സദ്യ
( പള്ളിയുടെ പടിഞ്ഞാറു വശത്ത് പ്രത്യേകം തയ്യാറാക്കിയ പന്തലിൽ )
2.00 pm: പ്രദക്ഷിണം
പള്ളിയിൽ നിന്നും പുറപ്പെട്ട് കിഴക്കേ അങ്ങാടിയിൽ കൂടി കോഴിപ്പിള്ളി കുരിശ്, ചക്കാലക്കുടി വി . യൽദോ മാർ ബസേലിയോസ് ചാപ്പൽ എന്നിവടങ്ങളിൽ എത്തി പള്ളിയിൽ തിരിച്ചെത്തുന്നു.
തുടർന്ന് ആശീർവ്വാദം
5.00 pm: പള്ളി ഉപകരണങ്ങൾ തിരികെ മേമ്പൂട്ടിലേക്ക് ആഘോഷമായി കൊണ്ടുപോകുന്നു.
6.00 pm: സന്ധ്യാ നമസ്കാരം
2022 ഒക്ടോബർ 04 ചൊവ്വ
7.15 am : പ്രഭാത നമസ്കാരം
8.00 am : വി.മൂന്നിന്മേൽ കുർബ്ബാന
ശ്രേഷ്ഠ കാതോലിക്ക ഡോ.ആബൂൻ മോർ ബസേലിയോസ് തോമസ് പ്രഥമൻ ബാവായുടെ മുഖ്യ കാർമ്മികത്വത്തിൽ
9.30 am : പാച്ചോർ നേർച്ച
10.30 am : ലേലം
4 .00 pm : കൊടിയിറക്ക്
6.15 pm : സന്ധ്യ നമസ്കാരം
പെരുന്നാൾ ഏറ്റെടുത്ത് നടത്തുവാൻ ആഗ്രഹിക്കുന്നവർക്ക് പെരുന്നാൾ ഓഹരി ക്രമീകരിച്ചിട്ടുണ്ട്. ഓഹരി ഒന്നിന് 1000 രൂപ, പെരുന്നാൾ വഴിപാടുകൾ, നേർച്ചപ്പണം എന്നിവ ഫെഡറൽ ബാങ്ക് കോതമംഗലം ബ്രാഞ്ച് Mar Thoma Cheriyapally
Kothamangalam,A/C No.10080100193242, IFSC:FDRL0001008 എന്ന അക്കൗണ്ടിലേക്ക് അയയ്ക്കാവുന്നതാണ്.
പെരുന്നാൾ ചടങ്ങുകൾ ചെറിയ പള്ളിയുടെ ഔദ്യോഗിക ഫേസ് ബുക്ക് പേജ് (www.facebook.com/kothamangalamcheriyapalliofficial) യുട്യൂബ് പേജ്, വെബ് സൈറ്റ് (www.cheriyapally.org) എന്നിവയിലൂടെ വിശ്വാസികൾക്ക് തത്സമയം കാണാവുന്നതാണ്
പള്ളി ഓഫീസ് ഫോൺ നമ്പർ
8589062462, 0485-2862362 , 2862204.
E.mail:[email protected]
ഒക്ടോബർ 2-ാം തീയതി തീർത്ഥാടകർക്കായി നേർച്ചക്കഞ്ഞി കൽക്കുരിശിന് പടിഞ്ഞാറ് പ്രത്യേകം തയ്യാറാക്കിയ കൗണ്ടറുകളിൽ നിന്നും രാവിലെ 8 മണി മുതൽ രാത്രി 9 മണി വരെ ലഭിക്കുന്നതാണ്.
വൈദ്യുതി ദീപാലങ്കാരം സെപ്തംബർ 29ാം തീയതി മുതൽ ഒക്ടോബർ 9ാം തീയതി വരെ ഉണ്ടായിരിക്കുന്നതാണ്. ചക്കാലക്കുടിയിലുള്ള വി.യൽദോ മാർ ബസേലിയോസ് ചാപ്പലിൽ 2022 സെപ്തംബർ 25 മുതൽ ഒക്ടോബർ 4 വരെ രാവിലെ 7 മണിക്ക് വി.കുർബ്ബാന ഉണ്ടായിരിക്കുന്നതാണ്. ബഹു. കേരള ഗവൺമെന്റിന്റെ നിർദ്ദേശപ്രകാരം പള്ളിയിലും പരിസരങ്ങളിലും പ്ലാസ്റ്റിക് നിർമ്മിത ഉല്പന്നങ്ങൾ ഉപയോഗിക്കാതിരിക്കാൻ ശ്രദ്ധിക്കണ മെന്ന് തന്നാണ്ടു ട്രസ്റ്റി ബിനോയ്‌ മണ്ണൻ ചേരിൽ അറിയിച്ചു. വാർത്ത സമ്മേളനത്തിൽ വികാരി ഫാ. ജോസ് പരത്തുവയലിൽ, സഹ വികാരിമാരായ ഫാ.ജോസ് തച്ചേത്ത്കുടി, ഫാ. ഏലിയാസ് പൂമറ്റത്തിൽ, ഫാ.ബിജോ കാവാട്ട്, ഫാ. ബേസിൽ ഇട്ടിയാണിയ്ക്കൽ ട്രസ്റ്റിമാരായ സി. ഐ. ബേബി, ബിനോയ്‌ മണ്ണൻ ചേരിൽ, ജോമോൻ പാലക്കാടൻ, പി. വി. പൗലോസ്, മാനേജിങ് കമ്മിറ്റി അംഗങ്ങൾ എന്നിവർ പങ്കെടുത്തു.
പതാക പ്രയാണം
ആഗോള സർവമത തീർത്ഥാടന കേന്ദ്രമായ കോതമംഗലം മാർ തോമ ചെറിയ പള്ളിയിൽ കബറടങ്ങിയിരിക്കുന്ന പരിശുദ്ധ യൽദോ മാർ ബസേലിയോസ് ബാവായുടെ 337 – മത് ഓർമപ്പെരുന്നാളിന്‌ മുന്നോടിയായി തലശ്ശേരിയിൽ നിന്നുള്ള പതാക പ്രയാണം സെപ്റ്റംബർ 22,23 തിയതികളിലും, പള്ളിവാസലിൽ നിന്നുള്ള ചായചിത്ര പ്രയാണം സെപ്റ്റംബർ 24 നും നടക്കും.
പതാക പ്രയാണം സെപ്റ്റംബർ 23 നും, പരിശുദ്ധ ബാവായുടെ ചായചിത്ര പ്രയാണം സെപ്റ്റംബർ 24 നും കോതമംഗലം നഗരത്തിൽ എത്തിച്ചേരും. രണ്ടു പ്രയാണങ്ങളും കോതമംഗലം നഗരത്തിൽ എത്തുമ്പോൾ വമ്പിച്ച സ്വീകരണം നൽകും.
