കോതമംഗലം : ആഗോള സർവ്വമത തീർത്ഥാടനകേന്ദ്രമായ കോതമംഗലം വിശുദ്ധ മാർത്തോമ ചെറിയ പള്ളിയിലെ ചരിത്രപ്രസിദ്ധമായ കന്നി 20 പെരുന്നാളിന് ഒരുക്കം തുടങ്ങി. കോവിഡിന്റെ സാഹചര്യത്തിൽ സർക്കാർ മാനദണ്ഡങ്ങൾ പാലിച്ച് പ്രധാന ചടങ്ങുകൾ മുടക്കം വരാതെ പെരുന്നാൾ നടത്തുവനാണ് പള്ളി ഭരണസമിതി തീരുമാനം.
![](https://i0.wp.com/kothamangalamnews.com/wp-content/uploads/2024/07/alfalah.jpeg?resize=600%2C750&ssl=1)
പെരുന്നാൾ ചടങ്ങുകൾക്ക് ശ്രേഷ്ഠ കാതോലിക്കാബാവ ആബൂൻ മോർ ബസേലിയോസ് തോമസ് പ്രഥമൻ ബാവായും സഭയിലെ മറ്റ് മെത്രാപ്പൊലീത്തമാരും മുഖ്യകാർമികത്വം വഹിക്കും സെപ്റ്റംബർ 25ന് വൈകുന്നേരം 4 മണിക്ക് ആരംഭിക്കുന്ന ചക്കാലക്കുടി ചാപ്പലിൽ നിന്നുള്ള പ്രദക്ഷിണത്തെ തുടർന്ന് 5 മണിക്ക് പള്ളിയങ്കണത്തിൽ കൊടി ഉയർത്തും. കോവിഡ് പ്രോട്ടോക്കോൾ പൂർണ്ണമായി പാലിച്ച് ആയിരിക്കും സെപ്റ്റംബർ 25 മുതൽ ഒക്ടോബർ 4 വരെ പെരുന്നാൾ ചടങ്ങുകൾ നടക്കുക.
![](https://kothamangalamnews.com/wp-content/uploads/2023/11/kothamangalamnews.png)