Connect with us

Hi, what are you looking for?

NEWS

കോതമംഗലം മാർ തോമ ചെറിയ പള്ളി: മുൻസിഫ് വിധി റദ്ദാക്കണമെന്ന ഇന്ത്യൻ ഓർത്തഡോക്സ് വിഭാഗത്തിന്റെ അപ്പീൽ നാളെ പരിഗണിക്കും.

  • ഷാനു പൗലോസ്

കോതമംഗലം: മാർ തോമ ചെറിയ പള്ളിയിൽ കുത്തുകുഴി മാറാച്ചേരി തോമസ് പോൾ റമ്പാന് വികാരിയാകുവാൻ കഴിയില്ലെന്ന മുൻസിഫ് വിധിക്കെതിരെ കോട്ടയം കഞ്ഞിക്കുഴി ആസ്ഥാനമായ ഇന്ത്യൻ ഓർത്തഡോക്സ് വിഭാഗം മേൽ കോടതിയിൽ നൽകിയ അപ്പീൽ 2023 ഏപ്രിൽ 10 തിങ്കളാഴ്ച പരിഗണിക്കും.

അന്ത്യോഖ്യാ സിംഹാസന പ്രതിനിധിയായി കോതമംഗലത്ത് എത്തിയ പരിശുദ്ധ എൽദോ മോർ ബസേലിയോസ് ബാവയുടെ കബറിടമുള്ള സർവ്വ മത തീർത്ഥാടന കേന്ദ്രമായ മാർ തോമ ചെറിയ പള്ളിയിൽ നൂറ്റാണ്ടുകളായി നിലവിലുള്ള യാക്കോബായ സുറിയാനി സഭയുടെ വിശ്വാസാചാരങ്ങൾ പൂർണ്ണമായും നിർത്തലാക്കി 2017 ജൂലൈ 3ലെ സുപ്രീം കോടതി ഉത്തരവിന്റെ അടിസ്ഥാനത്തിൽ ഇന്ത്യൻ ഓർത്തഡോക്സ് വിഭാഗത്തിന്റെ 1934 ഭരണഘടന പ്രകാരം റമ്പാനെ വികാരിയായി പരിഗണിക്കണമെന്ന ആവശ്യം മുൻസിഫ് കോടതി തള്ളിയതിനെ ചോദ്യം ചെയ്യുന്നതിലൂടെ കോതമംഗലത്തിന്റെ സമാധാന അന്തരീക്ഷം വീണ്ടും തകർക്കുവാനാണ് ഓർത്തഡോക്സ് വിഭാഗം ശ്രമിക്കുന്നതെന്ന് വികാരി ഫാ.ജോസ് പരത്തുവയലിൽ, ട്രസ്റ്റിമാരായ അഡ്വ.സി.ഐ ബേബി, ബിനോയ് മണ്ണഞ്ചേരി എന്നിവർ പറഞ്ഞു.

മേൽ കോടതി അപ്പീൽ പരിഗണിക്കുന്ന തിങ്കളാഴ്ച പള്ളിയിൽ ജാഗരണ പ്രാർത്ഥനക്കായി നിരവധി വിശ്വാസികളെത്തും. നീതിയുള്ള വിധിയെ അസ്ഥിരപ്പെടുത്തുവാനുള്ള ഇന്ത്യൻ ഓർത്തഡോക്സ് വിഭാഗത്തിന്റെ നീക്കത്തെ കോതമംഗലത്തെ എല്ലാ ജനങ്ങളും ഒറ്റകെട്ടായി എതിർക്കുമെന്നും, നിലവിലുള്ള വിശ്വാസാചരത്തിൽ തന്നെ പള്ളി സംരക്ഷിക്കുമെന്നും മതമൈത്രി ഭാരവാഹികളായ ഏ.ജി ജോർജ്, കെ.എ നൗഷാദ്, അഡ്വ. രാജേഷ് രാജൻ എന്നിവർ പ്രതികരിച്ചു.

1934 ഭരണഘടന പ്രകാരം തന്നെ വികാരിയായി ചുമതലപ്പെടുത്തിയിട്ടും, പള്ളിയിൽ പ്രവേശിപ്പിക്കുന്നില്ലെന്ന് ചൂണ്ടികാട്ടി കോതമംഗലം കുത്തുകുഴി സ്വദേശിയായ മാറാച്ചേരിൽ തോമസ് പോൾ റമ്പാൻ നൽകിയ കേസിൽ ഹൈക്കോടതിയുടെ നിർദ്ദേശപ്രകാരം വിശദമായ തെളിവെടുപ്പിനും , വാദ-പ്രതിവാദങ്ങൾക്കും ശേഷം കഴിഞ്ഞ ദിവസമാണ് കോതമംഗലം മുൻസിഫ് കോടതി വിധി പറഞ്ഞത്.

ഓർത്തോഡോക്സ് വിഭാഗം ഫയൽ ചെയ്ത OS 448/2019 കേസിൽ ഉന്നയിച്ച കാര്യങ്ങൾക്ക് വ്യക്തമായ തെളിവുകൾ ഹാജരാക്കുവാൻ കഴിയാത്തതിനാൽ ഓർത്തഡോക്സ് സഭാംഗമായ തോമസ് പോളിന് മാർ തോമ ചെറിയ പള്ളിയിൽ വികാരിയായി പ്രവർത്തിക്കുവാൻ അനുമതി നൽകണമെന്ന ആവശ്യം തള്ളി കളഞ്ഞു കൊണ്ടാണ് യാക്കോബായ സഭയുടെ വിശ്വാസത്തെ സംരക്ഷിക്കുന്ന വിധി ഉണ്ടായത്. കോതമംഗലം മുൻസിഫ് കോടതിയുടെ അന്തിമ വിധി പ്രകാരം, ഈ കേസിനോട് അനുബന്ധിച്ചുണ്ടായിരുന്ന IA ഇല്ലാതായതോടെ അത് നടപ്പിലാക്കാനുള്ള പോലീസ് പ്രൊട്ടക്ഷൻ വിധിയും, കോടതി അലക്ഷ്യ ഹർജിയുമടക്കം എല്ലാ ഹൈക്കോടതി വിധികളും അപ്രസക്തമായി. നിലവിൽ മാർ തോമ ചെറിയ പള്ളിക്ക് കോതമംഗലം മുൻസിഫ് വിധി മാത്രമാണുള്ളത്.

You May Also Like

NEWS

ഷാനു പൗലോസ് കോതമംഗലം / പുത്തൻകുരിശ്: യാക്കോബായ സുറിയാനി സഭയുടെ പാർലമെന്റായ യാക്കോബായ സുറിയാനി ക്രിസ്ത്യാനി അസോസിയേഷനിൽ നടന്ന തെരെഞ്ഞെടുപ്പിൽ നിലവിലെ ഭരണ സമിതിക്കെതിരെ  വൻ ഭൂരിപക്ഷത്തോടെ അധികാര സ്ഥാനത്തേക്ക് പുതുനേതൃത്വം. മലങ്കര...

NEWS

കോതമംഗലം: മഹാ പരിശുദ്ധനായ ബസേലിയസ് ബാവയുടെ 332മത് ഓർമ്മ പെരുന്നാൾ കന്നി 20 നോടനുബന്ധിച്ച് വ്യാപാരി വ്യവസായി ഏകോപനസമിതി വനിതാ വിംഗ് കോതമംഗലം നിയോജക മണ്ഡലം കമ്മറ്റിയുടെ നേതൃത്വത്തിൽ ഷീ കൗണ്ടർ പ്രവർത്തനം...

NEWS

കോതമംഗലം : ആഗോള സര്‍വ്വമത തീര്‍ത്ഥാടന കേന്ദ്രമായ കോതമംഗലം മാര്‍ തോമ ചെറിയ പള്ളിയില്‍ കബറടങ്ങിയിരിക്കുന്ന പരി. യല്‍ദോ മാര്‍ ബസേലിയോസ് ബാവായുടെ സ്മരണാര്‍ത്ഥം തപാല്‍ വകുപ്പ് സ്‌പെഷ്യല്‍ പോസ്റ്റല്‍ കവര്‍ പുറത്തിറക്കി....

EDITORS CHOICE

ഷാനു പൗലോസ് കോതമംഗലം: യാക്കോബായ സുറിയാനി സഭയിലേക്ക് സന്യസ്ഥ വൈദീകനായി ഉയർത്തപ്പെട്ട ഫാ. ഗീവർഗീസ് വട്ടേക്കാട്ടിൻറെ ( ഫാ.ടോണി കോര ) പുത്തൻ കുർബ്ബാന ഇടവകപള്ളിയായ കോട്ടപ്പടി കൽക്കുന്നേൽ സെന്റ് ജോർജ്ജ് യാക്കോബായ...