NEWS
കോതമംഗലം മണ്ഡലത്തിന്റെ സമഗ്ര വികസനത്തിന് ഉതകുന്ന പദ്ധതികൾ അടങ്ങുന്ന നിവേദനം വ്യവസായ മന്ത്രിക്ക് ഏരിയാ സെക്രട്ടറി ആർ.അനിൽ കുമാർ സമർപ്പിച്ചു.

കോതമംഗലം : കോതമംഗലം മണ്ഡലത്തിൽ ഐ റ്റി പാർക്ക്, ഫർണീച്ചർ ഹബ്ബ്, റബ്ബർ അധിഷ്ഠിത വ്യവസായ ഹബ്ബ് തുടങ്ങിയ വേണമെന്ന നിവേദനം മന്ത്രിക്ക് സമർപ്പിച്ചു. വിനോദ സഞ്ചാരകേന്ദ്രമെന്ന നിലയിൽ ഭൂതത്താൻകെട്ടിൽ പോലീസ് സ്റ്റേഷനും കോതമംഗലത്ത് ഡി വൈ എസ്പി ഓഫീസും വേണമെന്ന ആവശ്യവുമായി മന്ത്രി പി രാജീവിന് നിവേദനം സമർപ്പിച്ചു. വ്യവസായ വകുപ്പുമന്ത്രിയായി ചുമതലഏറ്റശേഷം ആദ്യമായി കോതമംഗലത്ത് എത്തിയ പി രാജീവിന് മുന്നിൽ സി പി ഐ എം ഏരിയാ കമ്മറ്റി സമർപ്പിച്ച നിവേദന നിർദ്ദേശങ്ങൾ കിഴക്കൻമേഖലയുടെ വ്യവസായവൽക്കരണത്തിന്റെയും വികസനത്തിന്റെയും ഗതിനിർണയിക്കുന്നതാണ്.
കോതമംഗലത്ത് ഐ റ്റി അധിഷ്ഠിത വ്യവസായ പാർക്ക് , നെല്ലിക്കുഴിയിലെ ഫർണീച്ചർ ഹബ്ബ് , കാർഷിക മേഖല എന്നനിലയിൽ പഴങ്ങളുടെയും പച്ചക്കറികളുടെയും സംഭരണ സംസ്ക്കരണ വിപണന കേന്ദ്രം, റബ്ബർ അധിഷ്ഠിത വ്യവസായ ഹബ്ബ് എന്നിവ സ്ഥാപിക്കാൻ അടിയന്തിര നടപടി വേണമെന്ന സുപ്രധാന ആവശ്യങ്ങളാണ് ഏരിയാ സെക്രട്ടറി ആർ.അനിൽ കുമാറിന്റെ നേതൃത്വത്തിൽ മന്ത്രി രാജീവിന് സമർപ്പിച്ച നിവേദനത്തിലെ ഉള്ളടക്കം.
ചെറുവട്ടൂർ ഗവ.മോഡൽ ഹയർസെക്കൻഡറി സ്കൂളിലും കുട്ടമ്പുഴയിലും തൊഴിലധിഷ്ഠിതമായ ഐ റ്റി ഐ കോഴ്സുകൾ അനുവദിക്കണമെന്ന നിവേദനങ്ങളും മന്ത്രിക്ക് നൽകിയിട്ടുണ്ട്. പാർട്ടി ഏരിയാകമ്മറ്റി മുന്നോട്ടുവച്ചിരിക്കുന്ന വ്യവസായപദ്ധതി നിർദ്ദേശങ്ങൾ നടപ്പിലാക്കുകയാണങ്കിൽ കോതമംഗലത്തിന്റെ സമഗ്രമായ വികസനത്തെ ത്വരിതപ്പെടുത്തും. ഏഷ്യയിലെ തന്നെ ആദ്യത്തെ റബ്ബർ ഉൽപ്പാദ കേന്ദ്രമായിരുന്ന പാലമറ്റം ഉൾപ്പെടുന്ന കോതമംഗലം മേഖലയിൽ റബ്ബറധിഷ്ഠിത വ്യവസായം വന്നാൽ അത് വലിയ തൊഴിൽലഭ്യതയും പുരോഗതിയും സമ്മാനിക്കുന്നതായിത്തീരും.
ദക്ഷിണേന്ത്യയിലെ ഏറ്റവുംവലിയ ഫർണീച്ചർ വ്യാപാരകേന്ദ്രമായ നെല്ലിക്കുഴിയിൽ ഫർണീച്ചർ ഹബ്ബ് വേണമെന്ന വർഷങ്ങളായുള്ള ആവശ്യവും പ്രതീക്ഷ പകരുന്നതാണ്. വ്യവസായ വികസനത്തിൽ പിന്നോക്കം നിൽക്കുന്ന കോതമംഗലത്ത് വിവരസങ്കേതിക വിദ്യയിൽ അധിഷ്ഠിതമായ ഐ റ്റി പാർക്ക് വേണമെന്നആവശ്യം പരിഗണിക്കപ്പെട്ടാൽ കിഴക്കൻ മേഖലയുടെ മുഖഛായ മാറുന്ന വൻ മാറ്റങ്ങൾക്ക് തുടക്കമാകും.
NEWS
കോതമംഗലത്ത് രണ്ടിടങ്ങളിൽ തീ പിടുത്തം : ജാഗ്രത പുലർത്തണമെന്ന് അഗ്നി രക്ഷാ സേന

കോതമംഗലം : കോതമംഗലം ടൗണിലും സബ് സ്റ്റേഷനിലും തീപിടിത്തം, ഇന്ന് രാവിലെ കോതമംഗലം ഗവ: ആശുപത്രിക്ക് സമീപം ആളൊഴിഞ്ഞ പറമ്പിലും കോതമംഗലം സബ് സ്റ്റേഷനിലും പുല്ലിന് തീപിടിച്ചു. കോതമംഗലത്ത് നിന്നും അഗ്നി രക്ഷാ സേന എത്തി തീപൂർണ്ണമായും അണക്കുകയായിരുന്നു. അഗ്നി രക്ഷാ ജീവനക്കാരായ സജി മാത്യം, കെ.എം മുഹമ്മദ് ഷാഫി കെ.കെ.ബിനോയി , മനോജ് കുമാർ ,കെ. പി. ഷമീർ, കെ.എസ്. രാകേഷ്, ആർ.എച്ച് വൈശാഖ്, പി.ബിനു, അനുരാജ് , രാമചന്ദ്രൻ നായർ എന്നിവർ ചേർന്നാണ് തീ അണച്ചത്.
NEWS
ജനകീയാരോഗ്യവേദി മെഡിക്കല് ഉപകരണങ്ങള് നാടിന് സമര്പ്പിച്ചു.

കോതമംഗലം : നിര്ധനര്ക്കും നിരാശ്രയര്ക്കും ആശ്വാസമായി പി.ഡി.പി.ജനകീയാരോഗ്യവേദി സംസ്ഥാനത്ത് പ്രഖ്യാപിച്ചിട്ടുള്ള ആയിരം ആശ്രയ കേന്ദ്രങ്ങളുടെ ഭാഗമായി നെല്ലിക്കുഴിയില് പ്രവര്ത്തനമാരംഭിച്ചിട്ടുള്ള കേന്ദ്രത്തില് നിന്നുള്ള മെഡിക്കല് ഉപകരണങ്ങള് നാടിന് സമര്പ്പിച്ചു. പി.ഡി.പി.നിയോജകമണ്ഡലം സമ്മേളനത്തോടനുബന്ധിച്ച് നടന്ന പൊതുയോഗത്തില് ആന്റണി ജോണ് എം.എല്.എ.യാണ് മെഡിക്കല് ഉപകരണങ്ങളുടെ വിതരണോദ്ഘടാനം നിര്വഹിച്ചത്. സൗജന്യ മെഡിസിന് വിതരണം, രക്തദാനം, കിടപ്പ് രോഗികള്ക്കുള്ള സഹായ ഉപകരണങ്ങള് , ഭക്ഷ്യവസ്തുക്കള് വിതരണം തുടങ്ങിയ സേവന പ്രവര്ത്തനങ്ങളാണ് സെന്റര് വഴി നടന്നുവരുന്നത്. ചടങ്ങില് സി.എം.കോയ അദ്ധ്യക്ഷത വഹിച്ചു. വി.എം.അലിയാര് , സുബൈര് വെട്ടിയാനിക്കല് ,ലാലു ജോസ് കാച്ചപ്പിള്ളി, ജനകീയാരോഗ്യവേദി ജില്ല സെക്രട്ടറി ഫൈസല് , ടി.എച്ച്.ഇബ്രാഹീം , ഷിഹാബ് കുരുംബിനാംപാറ തുടങ്ങിയവര് സംബന്ധിച്ചു.
NEWS
മെഡിക്കൽ ക്യാമ്പ് സംഘടിപ്പിച്ചു.

കോതമംഗലം : റ്റി എം മീതിയൻ മെമ്മോറിയൽ ചാരിറ്റബിൾ സൊസൈറ്റിയുടെ ആഭിമുഖ്യത്തിൽ കോതമംഗലം മുൻ എം എൽ എ യും രാഷ്ട്രീയ സാമൂഹിക രംഗത്തെ നിറസാന്നിദ്ധ്യവുമായിരുന്ന റ്റി എം മീതിയന്റെ 22-ാമത് അനുസ്മരണത്തോട് അനുബന്ധിച്ച് സൗജന്യ മെഡിക്കൽ ക്യാമ്പ് സംഘടിപ്പിച്ചു.കുറ്റിലഞ്ഞി ഗവൺമെന്റ് യു പി സ്കൂൾ അങ്കണത്തിൽ നടന്ന ക്യാമ്പിന്റെ ഉദ്ഘാടനം ആന്റണി ജോൺ എം എൽ എ നിർവ്വഹിച്ചു.ചെയർമാൻ റ്റി എം ഹസ്സൻ കനി അദ്ധ്യക്ഷത വഹിച്ച ചടങ്ങിൽ ബ്ലോക്ക് പഞ്ചായത്ത് പ്രസിഡന്റ് പി എ എം ബഷീർ,പഞ്ചായത്ത് പ്രസിഡന്റ് പി എം മജീദ്,പഞ്ചായത്ത് മെമ്പർമാരായ നാസ്സർ സി എം, സുലൈഖ ഉമ്മർ,വിവിധ രാഷ്ട്രീയ പാർട്ടി നേതാക്കളായ സഹീർ കോട്ടപ്പറമ്പിൽ,മക്കാർ സി എ എന്നിവർ പങ്കെടുത്തു.ഡോക്ടർ ഇ ആർ വാര്യർ,ഡോക്ടർ മുംതാസ് എ,ഡോക്ടർ റിസ്വാൻ എം റഫീഖ്,ഡോക്ടർ സനൂഫ് മുഹമ്മദ് സാലി എന്നിവർ ക്യാമ്പിന് നേതൃത്വം നൽകി.
പഞ്ചായത്ത് മെമ്പർ റ്റി എം അബ്ദുൾ അസീസ് സ്വാഗതം പറഞ്ഞു. എഫ് ഐ റ്റി ചെയർമാൻ ആർ അനിൽ കുമാർ,സി പി ഐ എം ഏരിയ സെക്രട്ടറി കെ എ ജോയി,പി എം മുഹമ്മദാലി എന്നിവർ ക്യാമ്പ് സന്ദർശിച്ചു.നിരവധി പേർ ക്യാമ്പ് പ്രയോജനപ്പെടുത്തി.
-
CRIME1 week ago
പൂർവ്വവിദ്യാർഥി സംഗമം; 35 വർഷത്തിന് ശേഷം കുടുംബം ഉപേക്ഷിച്ച് ഒളിച്ചോടി കമിതാക്കൾ
-
ACCIDENT5 days ago
വാഹനാപകടത്തില് യുവാവിന് ദാരുണാന്ത്യം
-
CRIME7 days ago
കോളേജ് പ്രിൻസിപ്പൽ ചെന്നൈയിൽ പോക്സോ കേസിൽ പിടിയിൽ
-
CRIME1 week ago
പെൺകുട്ടിയെ പീഢിപ്പിച്ച കേസിൽ കുട്ടമ്പുഴ സ്വദേശിക്ക് 33 വർഷം തടവും പിഴയും
-
ACCIDENT7 days ago
പെരുമ്പിലാവിലുണ്ടായ വാഹനാപകടത്തിൽ രണ്ട് കവളങ്ങാട് സ്വദേശികൾ മരണപ്പെട്ടു.
-
NEWS6 days ago
കോതമംഗലത്തിന്റെ സ്വന്തം സാധു യാത്രയായി
-
CRIME7 days ago
വീട്ടമ്മക്ക് നേരെ ആക്രമണവും ഭർത്താവിനെ കൊലപ്പെടുത്താൻ ശ്രമവും; രണ്ട് പേർ കോതമംഗലം പോലീസ് പിടിയിൽ
-
ACCIDENT1 week ago
വാഹനാപകടത്തിൽ ഡിവൈഎഫ്ഐ പ്രവർത്തകനായ യുവാവ് മരിച്ചു