കോതമംഗലം: കീരംപാറ സർവ്വീസ് സഹകരണ ബാങ്കിന് മുന്നിലുണ്ടായ അപകടത്തിൽ സ്കൂട്ടർ യാത്രികൻ മരിച്ചു. പുന്നേക്കാട് തെക്കുമ്മൽ മറ്റത്തിൽ ജോസഫിൻ്റെ മകൻ സജിയാണ് (42) തിങ്കളാഴ്ച ഉച്ചയോടെയുണ്ടായ അപകടത്തിൽ മരിച്ചത്. കോതമംഗലത്ത് നിന്ന് കീരംപാറ ഭാഗത്തേക്ക് വരികയായിരുന്ന ലോറിയെ മറികടക്കുന്നതിനുള്ള ശ്രമത്തിനിടയിലാണ് അപകടം. എതിർ ദിശയിൽ നിന്ന് കോതമംഗലത്തേക്ക് പോകുകയായിരുന്ന സ്വകാര്യ ബസും അതേ സമയം വരുന്നുണ്ടായിരുന്നു. ഇതിനിടയിൽ ലോറിയിൽ തട്ടി സ്കൂട്ടർ മറിയുകയായിരുന്നു. ഉടൻ തന്നെ കോതമംഗലത്തെ സ്വകാര്യ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.
മരിച്ച സജി മരപ്പണിക്കാരനായിരുന്നു. ജോലി കഴിഞ്ഞ് മടങ്ങുന്ന വഴിയാണ് അപകടമുണ്ടായത്. മഞ്ജുവാണ് ഭാര്യ. സൻജു, സച്ചു എന്നിവർ മക്കളാണ്. സംസ്ക്കാരം ചൊവ്വാഴ്ച ഉച്ചകഴിഞ്ഞ് വെളിയേൽചാൽ സെൻ്റ്.ജോസഫ് പള്ളി സെമിത്തേരിയിൽ.
