കോതമംഗലം : കൊച്ചി -ധധുഷ്കോടി ദേശീയപാതയുടെ നിർമ്മാ നവീകരണത്തിനായി തീർത്ത കാനയിലക്ക് ബൊലേറോ തലകീഴായി മറിഞ്ഞു ദേശീയപാതയിൽ തലക്കോടിന് സമീപം പുത്തൻകുരിശിൽ ഇന്നലെപുലർച്ചേ യാണ് വാഹനാപകടം ഉണ്ടായത്. അടിമാലി സ്വദേശിയുടെ ബൊലോറോ ജീപ്പ് റോഡിനായി കുഴിച്ച കാനയിൽ തലകീഴായി മറിഞ്ഞ വാഹനത്തിൽ ഡ്രൈവർ മാത്രമേ ഉണ്ടായിരുന്നുള്ളൂ.
ഊന്നുകൽ ഭാഗത്ത് നിന്ന് അടിമാലി ഭാഗത്തേ ക്ക് പോകുകയായിരുന്ന ജീപ്പിന് മുന്നിലേക്ക് നേര്യമംഗലം ഭാഗത്ത് നിന്ന് വരുകയായിരുന്ന സ്വകാര്യ ബസ് മറ്റൊരു വാഹനത്തെ മറികടന്നുവരവെ അപകടമൊഴിവാക്കാൻ വേറെ മാർഗ്ഗമില്ലാതെ ജീപ്പ് ഡ്രൈവർ ബ്രേക്ക് ചവിട്ടിയസാഹചര്യത്തിലാണ് ജീപ്പ് വട്ടം തിരിഞ്ഞ് കാനയിൽ ചാടി തലകീഴായി മറിഞ്ഞത്.
തൊട്ടുപുറകെ വന്ന തൊടുപുഴ ഡിപ്പോയിലെ അടിമാലിഭാഗത്തേക്ക് പോകുകയായിരുന്ന കെ.എസ് ആർ.ടി.സി. ബസ്സിലെ ഡ്രൈവർ കവളങ്ങാട് സ്വദേശി അനസ് മുഹമ്മദ് ബസ് നിർത്തി കാനയിലെ ചെളിക്കു ണ്ടിലേക്ക് എടുത്ത് ചാടി വാഹനത്തിനുള്ളിലകപ്പെട്ട ഡ്രൈവറെ നൊട്ടുകാരുടെ സഹായത്തോടെ പുറത്തെടുക്കുകയായിരുന്നു. പ്രാഥമിക പരിശോധനയിൽ ഡ്രൈവർ ക്ക് പരിക്കില്ല. നവീകരണ പ്രവർത്തനങ്ങൾ ആരംഭിച്ചതോടെ ദേശീയപാതയിൽ അപകടങ്ങളും മരണങ്ങളും തുടർക്കഥയാകുന്നതായി പരാതിയുണ്ട്.
