കോതമംഗലം: കോതമംഗലത്ത് ടിടിസി വിദ്യാര്ത്ഥിനി ജീവനൊടുക്കിയ കേസില് പോലീസ് കസ്റ്റഡിയിലായിരുന്ന റമീസിനെ കോതമംഗലത്തെ സ്വകാര്യ ലോഡ്ജില് എത്തിച്ച് തെളിവെടുപ്പ് നടത്തി. മൂവാറ്റുപുഴ സബ് ജയിലില് നിന്നും കോതമംഗലം കോടതിയില് എത്തിച്ച പ്രതിയെ രണ്ടു ദിവസത്തേക്കാണ് മൂവാറ്റുപുഴ പോലീസ് ഇന്സ്പെക്ടര് ബേസില് തോമസിന്റെ നേതൃത്വത്തിലുള്ള പോലീസ് അന്വേഷണ സംഘത്തിന്റെ കസ്റ്റഡിയില് വിട്ടത്. ബുധനാഴ്ച ഉച്ചയോടെയാണ് പ്രതിയെ കോതമംഗലത്ത് എത്തിച്ച് തെളിവെടുപ്പ്് നടത്തിയത്. റമീസിനെതിരെ ആത്മഹത്യാപ്രേരണ, വിവാഹ വാഗ്ദാനം നല്കി പീഡനം, മര്ദ്ദനം ഏല്പ്പിക്കല് വകുപ്പുകളും, മറ്റുള്ളവര്ക്കെതിരെ ആത്മഹത്യാപ്രേരണ കുറ്റവുമാണ് ചുമത്തിയിരിക്കുന്നത്.കഴിഞ്ഞ് ഒമ്പതാം തീയതി ആണ് വിദ്യാര്ത്ഥിയെ വീട്ടിനുള്ളില് തൂങ്ങിമരിച്ച നിലയില് കണ്ടെത്തിയത്. പ്രതിയുടെ കസ്റ്റഡി കാലാവധി ഇന്ന് അവസാനിക്കും.
