കോതമംഗലം: ബ്ലോക്ക് തല ജൈവ വൈവിധ്യ ക്വിസ് മത്സരം നടത്തി. നവ കേരളം കർമ്മപദ്ധതിയുടെ ഭാഗമായി ഹരിത കേരളം മിഷൻ്റെ നേതൃത്വത്തിൽ ജൈവ വൈവിധ്യ ബോർഡിൻ്റെയും,വിദ്യകിരണം മിഷൻ്റെയും സഹകരണത്തോടെ അന്താരാഷ്ട്ര ജൈവ വൈവിധ്യ ദിനത്തോട് അനുബന്ധിച്ച് 7,8,9 ക്ലാസ്സുകളിലെ കുട്ടികളെ പങ്കെടുപ്പിച്ച് നീലക്കുറിഞ്ഞി ജൈവ വൈവിധ്യ പഠനോത്സവ ക്യാമ്പ് മൂന്നാറിൽ വച്ച് നടത്തുന്നു. ബ്ലോക്ക് തലത്തിലും,ജില്ല തലത്തിലും ജൈവ വൈവിധ്യ ക്വിസ് മത്സരം നടത്തി വിജയിക്കുന്ന കുട്ടികളെ ആണ് ക്യാംപിൽ പങ്കെടുപ്പി ക്കുന്നത്. ഇതിൻ്റെ ഭാഗമായിട്ടുള്ള ബ്ലോക്ക് തല ജൈവ വൈവിധ്യ ക്വിസ് മത്സരം ബ്ലോക്ക് പഞ്ചായത്ത് ഹാളിൽ പ്രസിഡൻ്റ് പി.എ.എം ബഷീർ ഉദ്ഘാടനം ചെയ്തു .
ബ്ലോക്ക് തല മത്സരത്തിൽ വിജയികൾക്ക് സർട്ടിഫിക്കറ്റ് വിതരണം ചെയ്തു.ജില്ലയിൽ നിന്നും വിജയികളാ കുന്ന കുട്ടികൾക്ക് 20,21,22 തീയതികളിൽ മൂന്നാറിലെ ജൈവ വൈവിധ്യ പാർക്കിൽ നടക്കുന്ന പഠനോത്സവ ക്യാംപിൽ പങ്കെടുക്കുവാനും,2024 ഡിസംബറിൽ സംഘടിപ്പിക്കുന്ന ദേശീയ പരിസ്ഥിതി കോൺ ക്ലെവിൽ പങ്കെടുക്കുവാനും അർഹരാകും. വൈസ് പ്രസിഡൻ്റ് ഡയാന നോബി അധ്യക്ഷത വഹിച്ചു. സ്ഥിരം സമിതി ചെയർമാൻ മാരായ ജോമി തെക്കേക്കര,സാലി ഐപ്, ജയിംസ് കോറമ്പേൽ,മെമ്പർ മാരായ ആനിസ് ഫ്രാൻസിസ്,നിസ മോൾ ഇസ്മായിൽ,ലിസി ജോസഫ്, ആഷ ജയിംസ്, ബി ഡി ഒ ഡോ.എസ്.അനുപം , ഹരിത കേരളം ബ്ലോക്ക് കോഡിനെറ്റർ വി.എസ് സൂര്യ , ദേവതി അനിൽ എന്നിവർ പ്രസംഗിച്ചു.
