കോതമംഗലം: വനപാലകര് കസ്റ്റഡിയിലെടുത്ത ജെ.സി.ബി. വിട്ടുകിട്ടുന്നതിനായി ഫോറസ്റ്റ് സ്റ്റേഷന് വളപ്പില് ആദിവാസി യുവാവിന്റെ ആത്മഹത്യ ഭീഷണി. പെട്രോള് ദേഹത്തൊഴിച്ച് ലൈറ്ററും കൈയ്യില്പിടിച്ച് ജെ.സി.ബിയില് കയറിയായിരുന്നു നാടകീയ രംഗങ്ങള്. പോലീസും ഫയര്ഫോഴ്സും ഇടപെട്ട് അനുനയിപ്പിച്ച് മണിക്കൂറുകള്ക്ക് ശേഷമാണ് യുവാവിനെ താഴെയിറക്കിയത്.
ഇടുക്കി പഴയരികണ്ടം ഒഴുകുപാറ പുത്തന്പുരയ്ക്കല് അജീഷ്കുമാര് (സുകു-46) ആണ് വാഹനം വിട്ടുകിട്ടാനായി ആത്മഹത്യഭീഷണിയുമായെത്തിയത്. നേര്യമംഗലം ഫോറസ്റ്റ് റേയ്ഞ്ചിലെ ചെമ്പന്കുഴി നഗരംപാറ സ്റ്റേഷന് വളപ്പില് വ്യാഴാഴ്ച രാവിലെ 11 ഓടെ സംഭവം . തന്റെ ജീവനോപാധിയായ ജെ.സി.ബി. വനം അധികൃതര് അന്യായമായി കസ്റ്റഡിയില് വെച്ചിരിക്കുകയാണെന്ന് ആരോപിച്ചാണ് അജീഷ് ജെസിബിക്കുള്ളില് കയറി ശരീരത്തില് പെട്രോളൊഴിച്ച് പ്രതിഷേധിച്ചത്.
2020ല് പാഴ്മരങ്ങള് പിഴുതുമാറ്റിയതിനാണ് വനംവകുപ്പ് വാഹനം കസ്റ്റഡിയിലെടുത്തത്. 500 രൂപ പിഴ ചുമത്തിയ കേസിന് 30 ലക്ഷത്തോളം രൂപ വിലമതിക്കുന്ന വാഹനം വര്ഷങ്ങളായി വിട്ടുനല്കാതെ അധികൃതര് കസ്റ്റഡിയില് വെച്ചിരിക്കുകയാണെന്നാണ് അജീഷിന്റെ ആരോപണം. പത്തോളം സുഹൃത്തുക്കള്ക്കൊപ്പമാണ് അജീഷ് സ്റ്റേഷനില് എത്തിയത്.
ജെസിബിയില് കയറി ആത്മഹത്യഭീഷണി മുഴക്കിയ സംഭവം അറിഞ്ഞതോടെ ആളുകളും തടിച്ചുകൂടി. ഫയര് ഫോഴ്സും പോലീസും പഞ്ചായത്ത് അധികൃതരും എത്തി മണിക്കൂറുകള് നീണ്ട ചര്ച്ചക്കൊടുവില് ഉച്ചക്ക് ശേഷം 2.45 ഓടെയാണ് ഇയാള് വാഹനത്തില് ഇറങ്ങാന് തയ്യാറായത്. അടുത്ത ചൊവ്വാഴ്ച രാവിലെ 11-ന് നഗരംപാറ സ്റ്റേഷനില് വച്ച് മൂന്നാര് ഡിഎഫ്ഒയുടെ സാന്നിധ്യത്തില് വിഷയം ചര്ച്ച ചെയ്യാമെന്ന് തീരുമാനിച്ചു.
അതേസമയം വിഷയത്തില് വനം വകുപ്പിന്റെ വിശദീകരണം ഇങ്ങനെയാണ്. കൈവശ വനഭൂമിയില്നിന്ന് മണ്ണെടുക്കുകയും മരങ്ങള് നീക്ക ചെയ്യുകയും ചെയ്തതിനാണ് കേസെടുത്തത്. നിയമലംഘനത്തിനാണ് ജെ.സി.ബി. കസ്റ്റഡിയിലെടുത്തതെന്നും അധികൃതര് പറയുന്നത്. കോടതിയുടെ പരിഗണനയിലിരിക്കുന്ന കേസായതുകൊണ്ട് വാഹനത്തിന്റെ കാര്യത്തില് അന്തിമ തീരുമാനം കോടതിയുടേതാണെന്നുമാണ് വിശദീകരണം.
