കോതമംഗലം: കെ.സി.ബി.സി. മദ്യ-ലഹരി വിരുദ്ധസമിതി കോതമംഗലം രൂപത കമ്മിറ്റിയും റീജിയണല്‍ സമിതിയും സംയുക്തമായി കോതമംഗലം സെന്റ് അഗസ്റ്റ്യന്‍സ് ഗേള്‍സ് ഹയര്‍ സെക്കണ്ടറി സ്കൂളില്‍ വച്ച് ലഹരിവിരുദ്ധ പ്രസംഗമത്സരം സംഘടിപ്പിച്ചു. സമ്മേളനം പ്രിന്‍സിപ്പാള്‍ സിസ്റ്റര്‍ ലിസ് മരിയ ഉദ്ഘാടനം ചെയ്തു. മദ്യവിരുദ്ധസമിതി രൂപത പ്രസിഡന്റ് ജെയിംസ് കോറമ്പേല്‍ അദ്ധ്യക്ഷത വഹിച്ചു.
ഹെഡ്മിസ്ട്രസ് സിസ്റ്റര്‍ റിനി മരിയ, രൂപതാ ജനറല്‍ സെക്രട്ടറി ജോണി കണ്ണാടന്‍, റീജിയണല്‍ പ്രസിഡന്റ് ജോയി പടയാട്ടില്‍, സജീവം പ്രോജക്ട് കോ-ഓഡിനേറ്റർ ജോണ്‍സണ്‍ കറുകപ്പിള്ളിൽ, ബിജു വെട്ടിക്കുഴ, മാര്‍ട്ടിന്‍ കീഴേമാടന്‍, ജിജു വറുഗീസ്, മേരി വിന്‍സി, ലിംന മാത്യു എന്നിവര്‍ പ്രസംഗിച്ചു. ഹയര്‍ സെക്കണ്ടറി വിഭാഗത്തില്‍ ഫിയോണ മേരി ബിനോയ്, ഫയ്ഹ യൂസഫ്, ജനീറ്റ ജിജോ, ഹൈസ്കൂള്‍ വിഭാഗത്തില്‍ ആന്‍ തെരേസ് ബിജു, എയ്ഞ്ചല്‍ മരിയ ദേവസി, ജീവന എല്‍ദോസ് എന്നിവര്‍ യഥാക്രമം ഒന്നും രണ്ടും മൂന്നും സ്ഥാനങ്ങൾ കരസ്ഥമാക്കി. വിജയികളെ മൊമെൻറോ നല്‍കി ആദരിച്ചു.
