കവളങ്ങാട് : കോൺഗ്രസ്സ് സേവാദൾ നിയോജക മണ്ഡലം കമ്മറ്റിയുടെ ആഭിമുഖ്യത്തിൽ ഗാന്ധി ജയന്തി വാരാചരണത്തിൻ്റെ ഭാഗമായി നേര്യമംഗലം ഫാമിലി ഹെൽത്ത് സെൻ്റർ പരിസരം ശുചീകരണം നടത്തി. നേരത്തെ ടൗണിൽ ഗാന്ധി പ്രതിമക്ക് മുമ്പിൽ പുഷ്പാർച്ചനടത്തിയ ശേഷം ആശുപത്രി കോംപൗണ്ടിൽ ശുചികരണ പ്രവർത്തനം നടത്തുകയായിരുന്നു സേവാദൾ നിയോജകമണ്ഡലം പ്രസിഡൻ്റ് ബേബി സേവ്യർ അദ്ധ്യക്ഷത വഹിച്ചു. മുൻ കെ.പി.സി സി എക്സിക്യുട്ടീവ് കമ്മറ്റിയംഗം കെ.പി. ബാബു ഉൽഘാടനം ചെയ്തു.
കോൺഗ്രസ് സേവാദൾ സംസ്ഥാന സെക്രട്ടറി ഭദ്രപ്രസാദ് മുഖ്യ പ്രഭാഷണം നടത്തി. ജില്ലാ സെക്രട്ടറി സി. ജെ.എൽദോസ്,സൈജൻ്റ് ചാക്കോ, ജെയ്മോൻ ജോസ്, പി. ആർ രവി ,മെഡിക്കൽ ഓഫീസർ ഡോ. രോഹിണി.സി, ഡോ ആരതി സുബ്രഹ്മണ്യൻ, ഹെൽത്ത് ഇൻസ് പെക്ടർ ജെയിംസ് കെ.ജെ, അനിൽ രാമൻ നായർ, റീന ജോഷി, ഷാൻ്റി ജോസ്, ഷിജു ജോസഫ്, എം.എസ്. റസാക്ക്, പി എൻ വിജയൻ, ദിപു എം.വി., എ.പി.സാബു എന്നിവർ പങ്കെടുത്തു.
