കോതമംഗലം : കോതമംഗലം മണ്ഡലത്തിൽ ആന്റണി ജോൺ MLA നടപ്പിലാക്കുന്ന വെളിച്ചം പദ്ധതിയുടെ ഭാഗമായി തൃക്കാരിയൂരിൽ 5 മിനി മാസ്റ്റ് ലൈറ്റുകൾ സ്ഥാപിച്ചു. ലൈറ്റുകളുടെ സ്വിച്ച് ഓൺ കർമ്മം ആന്റണി ജോൺ MLA നിർവ്വഹിച്ചു. പഞ്ചായത്ത് പ്രസിഡന്റ് P.M. മജീദ് അധ്യക്ഷത വഹിച്ചു. ബ്ലോക്ക് പഞ്ചായത്ത് മെമ്പർ അനു വിജയനാഥ്, CPM ഏരിയ കമ്മിറ്റി അംഗങ്ങളായ കെ.ജി. ബോസ്, കെ.പി. ജയകുമാർ , CPM ലോക്കൽ സെക്രട്ടറി കെ.ജി ഷാജി ,മുൻ പഞ്ചായത്ത് മെമ്പർ MG. പ്രസാദ് പ്രദേശവാസികൾ ,തുടങ്ങിയവർ പങ്കെടുത്തു. തടത്തി കവല,താളുശ്ശേരി കവല, മോസ്കോ, തൃക്കാരിയൂർ അമ്പലം കിഴക്കേ നട , ഹൈക്കോർട്ട് കവല എന്നീ അഞ്ച് കേന്ദ്രങ്ങളിലാണ് ലൈറ്റുകൾ സ്ഥാപിച്ചിട്ടുള്ളത്. എംഎൽഎ യുടെ ആസ്തി വികസന ഫണ്ടിൽ നിന്നുമാണ് പദ്ധതിക്കാവശ്യമായ തുക ചിലവഴിക്കുന്നത്.
