കോതമംഗലം: കേരളത്തിൽ പ്രത്യേകിച്ച് ഇടുക്കിയിൽ മഴ കനക്കുന്ന സാഹചര്യത്തിൽ 126 വർഷം പഴക്കമുള്ള മുല്ലപ്പെരിയാർ ഡാമിൻ്റെ സുരക്ഷയ്ക്ക് ഭീഷണിയുണ്ട്. അന്തർസംസ്ഥാന ജല തർക്കങ്ങളും തുടർന്നുള്ള സുപ്രീം കോടതി വിധികളെ കുറിച്ചും ഞാനിവിടെ വിശദമാക്കുന്നില്ല . 2014 സുപ്രീംകോടതി വിധി പ്രകാരം ഡാമിലെ ജലനിരപ്പ് 142 അടിയായി ഉയർത്തുകയുണ്ടായി. എന്നാൽ, കഠിനമായ കാലാവസ്ഥ വ്യതിയാനങ്ങളുടെ ഭാഗമായി അതികഠിന മഴയാണ് അണക്കെട്ടിൻ്റെ റിസർവോയർ പ്രദേശങ്ങളിൽ ദിനംപ്രതി ലഭിക്കുന്നത്. ഇത്തരം സാഹചര്യത്തിൽ ഡാമിൻ്റെ കാലപ്പഴക്കത്തിൽ അടിസ്ഥാനത്തിൽ ഡാം സുരക്ഷിതമായി നിർത്തുവാൻ സാധിക്കുകയില്ല എന്ന് IIT റൂർക്കാ, IIT ഡൽഹി, യുണൈറ്റഡ് നേഷൻസ് തുടങ്ങിയവരുടെ പഠനറിപ്പോർട്ടുകൾ സൂചിപ്പിക്കുന്നു .
ബഹുമാന്യ സുപ്രീംകോടതിയുടെ അവസാന വിധിന്യായത്തിൽ ഓസില്ലോഗ്രാഫ്, സീസ്മോഗ്രാഫ് തുടങ്ങിയവ സ്ഥാപിച്ച് ഡാമിൻ്റെ സുരക്ഷയെ ഉറപ്പുവരുത്തണമെന്ന് വ്യക്തമാക്കിയിട്ടുണ്ട് . എന്നാൽ ഈ സുരക്ഷാ മാനദണ്ഡങ്ങളെ സ്ഥാപിക്കുന്നതിൽ മേൽനോട്ട സമിതി പരാജയമായി തീർന്നു. അതുകൊണ്ടുതന്നെ ജലസംഭരണശേഷിയിലും ലും ഭൂചലന പ്രതിരോധത്തിലും ബലത്തിൻ്റെ കാര്യത്തിലും അണക്കെട്ട് തികച്ചും സുരക്ഷിതം അല്ല. നിർഭാഗ്യകരമായ എന്തെങ്കിലും സംഭവിച്ചാൽ ലക്ഷക്കണക്കിന് ജനങ്ങളുടെ ജീവനെ അത് ബാധിക്കും .അതുകൊണ്ടുതന്നെ കേരളത്തിലെ ജനങ്ങൾ ഭയത്തോടെ കൂടിയാണ് ആണ് കഴിയുന്നത്. ഈ നാളുകളിൽ കേരള സർക്കാർ മേൽനേട്ട സമിതിയിലും സുപ്രീംകോടതി മുൻപാക്കേയും നടത്തുന്ന ഇടപ്പെടലുകളിലും വിശ്വസ്തതയില്ല. ഈ വിഷയത്തിൽ കേന്ദ്ര സർക്കാരിൻ്റെ നിലപാടും കേരളത്തിലെ ജനങ്ങൾക്ക് പ്രതീക്ഷ ജനകമല്ല .
“തമിഴ്നാടിന് ജലം, കേരളത്തിന് സുരക്ഷ ” എന്ന വളരെ ന്യായമായ നിലപാടാണ് കേരളത്തിലെ ജനങ്ങൾ ഈ വിഷയത്തിൽ സ്വീകരിച്ചിരിക്കുന്നത് . തമിഴ്നാടൻ ആവശ്യമായ ജലം വിട്ടു നൽകുവാനും കേരളം തയ്യാറാണ് ആണ് .എന്നിരുന്നാലും ജനങ്ങളുടെ സുരക്ഷ എന്നതാണ് ഈ വിഷയത്തിൽ സുപ്രധാനം , അതു കൊണ്ട് തന്നെ കേന്ദ്രസർക്കാർ ഞങ്ങളുടെ ഭയം ദൂരീകരിക്കുന്നതിന് ആവശ്യമായ നടപടികൾ സ്വീകരിച്ച് ,പുതിയതും സുരക്ഷിതവുമായ ഡാം കേരളത്തിൽ നിർമ്മിച്ച് തമിഴ്നാടിന് ആവശ്യമായ ജലം എത്തിക്കാൻ വേണ്ട ക്രമീകരണങ്ങൾ സ്വീകരിക്കണം .
