കോതമംഗലം : കേരള സംസ്ഥാന വ്യാപാരി വ്യവസായി സമിതി പുതുപ്പാടി യൂണിറ്റ് കമ്മിറ്റിയുടേയും മെൻറ്റർ അക്കാദമി കോതമംഗലത്തിന്റെയും ആഭിമുഖ്യത്തിലാണ് വിദ്യാഭ്യാസ പുരസ്കാരം സംഘടിപ്പിച്ചത്. കറുകടം അമ്പലംപടി യാക്കോബായ പാരിഷ് ഹാളിൽ വെച്ചായിരുന്നു ചടങ്ങ്. എസ്എസ്എൽസി പ്ലസ് ടു ഉന്നത വിജയികൾക്കാണ് വിദ്യാഭ്യാസ പുരസ്കാരം നൽകിയത്. യൂണിറ്റ് പ്രസിഡൻറ് എ ടി ബേബി അധ്യക്ഷത വഹിച്ച ചടങ്ങിൽ ശ്രീ ആൻറണി ജോൺ എംഎൽഎ ഉദ്ഘാടനം നിർവഹിച്ചു. കോതമംഗലം നഗരപിതാവ് ടോമി എബ്രഹാം മുഖ്യപ്രഭാഷണം നടത്തി. കെ നൗഷാദ് ,എം യു അഷ്റഫ് , പി എച്ച് ഷിയാസ്, കെ എ കുര്യാക്കോസ്, ബഷീർ തുടങ്ങിയവർ ചടങ്ങിൽ സംബന്ധിച്ചു.
കാനഡ, യു.കെ, ഓസ്ട്രേലിയ, ന്യൂസിലാൻഡ്, ജർമ്മനി എന്നിവിടങ്ങളിൽ ഉന്നത വിദ്യാഭ്യാസം തേടുന്ന പ്ലസ് ടു കഴിഞ്ഞ വിദ്യാർത്ഥികൾക്ക് ഏറ്റവും അനുയോജ്യമായ കോഴ്സുകളും മികച്ച ഉപരിപഠന സാധ്യതകളും , കോളേജുകളും തിരഞ്ഞെടുക്കാൻ ആവശ്യമായി അറിഞ്ഞിരിക്കേണ്ട എല്ലാ വസ്തുതകളും വിശദമായി മനസ്സിലാക്കുവാനും, ഉന്നത വിജയം കൈവരിച്ച വിദ്യാർത്ഥികൾക്ക് കുറഞ്ഞ നിരക്കിൽ IELTS പഠനത്തിന് അവസരം നൽകുന്നതാണെന്നും മെൻറ്റർ അക്കാദമി അധികാരികൾ വ്യക്തമാക്കി.
