കോതമംഗലം :യൂത്ത് കോൺഗ്രസ് സംസ്ഥാന പ്രസിഡന്റ് രാഹുൽ മാങ്കൂട്ടം നയിക്കുന്ന ‘യങ് ഇന്ത്യ’ ക്യാമ്പയിൻ ആഗസ്റ്റ് ഒന്നിന് കോതമംഗലത്ത് എത്തിച്ചേരുന്നതിന്റെ ഭാഗമായി പരിപാടിയിൽ സംബന്ധിക്കുവാനുള്ള ബൂത്ത് തല പ്രതിനിധികളെ മുതിർന്ന നേതാക്കൾ വീട്ടിലെത്തി ക്ഷണപത്രിക നൽകി ക്ഷണിച്ചു.
നിയോജകമണ്ഡലം തലത്തിലെ ഡെലിഗേഷൻ ഇൻവിറ്റേഷൻ ആദ്യ പ്രതിനിധിയായി പിണവൂർക്കുടി ആദിവാസി മേഖലയിലെ മുപ്പത്തിയേഴാം (37) ബൂത്തിലെ വിദ്യാ ബാബുവിനെ ക്ഷണിച്ചുകൊണ്ട് കുട്ടമ്പുഴ പഞ്ചായത്ത് പ്രസിഡണ്ട് ശ്രീമതി കാന്തി വെള്ളക്കയൻ നിർവഹിച്ചു. യൂത്ത് കോൺഗ്രസ് നിയോജകമണ്ഡലം പ്രസിഡണ്ട് എൽദോസ് എൻ ഡാനിയൽ അധ്യക്ഷനായ ചടങ്ങിൽ കോൺഗ്രസ് കുട്ടമ്പുഴ മണ്ഡലം പ്രസിഡന്റ് ജോഷി പൊട്ടയ്ക്കൽ മുഖ്യാതിഥിയായിരുന്നു. യൂത്ത് കോൺഗ്രസ് സംസ്ഥാന സെക്രട്ടറി അനൂപ് ഇട്ടൻ, ജില്ലാ സെക്രട്ടറിമാരായ മേഘ ഷിബു, മുഹമ്മദ് റഫീഖ്, യൂത്ത് കോൺഗ്രസ് മണ്ഡലം പ്രസിഡണ്ട് ബേസിൽ തെക്കുംകുടി, വാഹിദ് പാനിപ്ര, ബേസിൽ ജോയി,അഷ്ബിൻ ജോസ്, സനു സണ്ണി തുടങ്ങിയവർ നേതൃത്വം നൽകി.
ആതിര അശോകൻ, അശ്വതി ലാൽ ഗായത്രി, കാർത്തിക മോഹനൻ, അശ്വിൻ ലാൽ, ബാബു പദ്മനാഭൻ തുടങ്ങിയവർ പങ്കെടുത്തു.
