എം.ഡി.എം.എയുമായി നേര്യമംഗലം സ്വദേശിയടക്കം മൂന്ന് യുവാക്കള്‍ എക്സൈസ് പിടിയില്‍

അടിമാലി: എം.ഡി.എം.എയുമായി നേര്യമംഗലം സ്വദേശിയടക്കം മൂന്ന് യുവാക്കള്‍ അടിമാലിയില്‍ പിടിയില്‍. നേര്യമംഗലം സ്വദേശികളായ മുരീക്കല്‍ ജോണ്‍സണ്‍, കാനാട്ടുകുടിയില്‍ അനിലേഷ്, മൂവാറ്റുപുഴ കുന്നക്കാല്‍ പടിഞ്ഞാറേമുറി തോട്ടത്തില്‍ ആല്‍വിന്‍ എന്നിവരാണ് എക്സൈസ് സംഘത്തിന്റെ പിടിയിലായത്. ഇവരില്‍ നിന്നും 2.042 ഗ്രാം എം.ഡി.എം.എ പിടിച്ചെടുത്തു. ഓണം സ്പെഷ്യല്‍ ഡ്രൈ വിനോടനുബന്ധിച്ച് അടിമാലി എക്സൈസ് റേഞ്ച് നടത്തിയ പരിശോധനയിലാണ് മയക്കു മരുന്ന്പിടികൂടിയത്.