വാരപ്പെട്ടി: വാരപ്പെട്ടി നിവാസികളുടെ ചിരകാല അഭിലാഷമായിരുന്ന വാരപ്പെട്ടി ഒൻപതാം വാർഡിലെ എൻ എസ് എസ് ഹയർ സെക്കൻ്റി സ്കൂൾപടി – ആറ്റാചേരിപടി റോഡിന്റെ ഉത്ഘാടനം പഞ്ചായത്ത് പ്രസിഡന്റ് പി കെ ചന്ദ്രശേഖരൻ നായർ നിർവഹിച്ചു.
പഞ്ചായത്തിന്റെ വാർഷിക പദ്ധതിയിൽ ഉൾപ്പെടുത്തി വാർഡുകളിലേക്ക് ലഭിക്കുന്ന ഫണ്ടിൽ നിന്നും വാർഡ് മെമ്പർ പ്രിയ സന്തോഷാണ് റോഡിന് 17 ലക്ഷം രൂപ അനുവദിച്ച് പണി പൂർത്തിയാക്കിയത്.
പഞ്ചായത്ത് വൈസ് പ്രസിഡന്റ് ബിന്ദു ശശി അധ്യക്ഷത വഹിച്ച ഉത്ഘാടന പരിപാടിയിൽ ബ്ലോക്ക് പഞ്ചായത്ത് അംഗം ഡയാന നോബി, കെ എം സൈയ്ത് , എം എസ് ബെന്നി, ദീപ ഷാജു, പി പി കുട്ടൻ, ഷെജി ബെസി ,കെ പി സാജു , രജിൻ കുമാർ പി എ , മാലിനി ദിവാകരൻ, അജിത ഷാജി, സരസ്വതി സത്യവാൻ തുടങ്ങി വിവിധ കക്ഷി നേതാക്കളും പഞ്ചായത്ത് അംഗങ്ങളും സഹിതം ആശസകൾ അർപ്പിച്ച് സംസാരിച്ചു. റോഡ് പണി പൂർത്തിയാക്കുന്നതിന് വേണ്ടി എല്ലാവിധ സഹായങ്ങളും ചെയ്ത് നൽകി കൂടെ നിന്ന മുഴുവൻ പ്രദേശവാസികളോടുമുള്ള നന്ദിയും വാർഡ് മെമ്പർ പ്രിയ സന്തോഷ്‌ അറിയിച്ചു.
