കോതമംഗലം: ബാറിലെ ആക്രമണ കേസില്‍ രണ്ടുപേര്‍ അറസ്റ്റില്‍ മുളവൂര്‍ പൊന്നിരിക്കപറമ്പ് ഭാഗത്ത് പുത്തന്‍പുര അന്‍വര്‍ (34), കൊമ്പനാട് മേയ്ക്കപ്പാല പ്ലാച്ചേരി അജിത്ത്(31) എന്നിവരെയാണ് കോതമംഗലം പോലീസ് അറസ്റ്റ് ചെയ്തത്. കഴിഞ്ഞ ഒക്ടോബര്‍ 14 നായിരുന്നു കേസിനാസ്പതമായ ആക്രമണം. കോതമംഗലം കന്നി പെരുന്നാളുമായി ബന്ധപ്പെട്ട് കാര്‍ണിവല്‍ അമ്യൂസ്‌മെന്റ് പാര്‍ക്ക് നടത്തിപ്പ് സംബന്ധിച്ച തര്‍ക്കത്തെ തുടര്‍ന്ന് കറുകടം സ്വദേശിയായ അന്‍വറിന്റെയും ഓടക്കാലി സ്വദേശിയായ റഫീക്കിന്റെയും നേതൃത്വത്തിലുള്ള സംഘങ്ങളാണ് കോതമംഗലം മരിയ ബാറില്‍ സംഘര്‍ഷം ഉണ്ടാക്കിയത്.
സംഭവത്തില്‍ രണ്ടുപേര്‍ക്ക് ഗുരുതര പരിക്കേറ്റിരുന്നു. ഇതേ തുടര്‍ന്ന് കോതമംഗലം പോലീസ് രജിസ്റ്റര്‍ ചെയ്ത കേസിലാണ് അറസ്റ്റ് ഇവരെ കോടതിയില്‍ ഹാജരാക്കി. കോതമംഗലം ഇന്‍സ്‌പെക്ടര്‍ പി.റ്റി.ബിജോയിയുടെ നേതൃത്വത്തിലുള്ള അന്വേഷണസംഘത്തില്‍ എസ്‌ഐ മാരായ ഷാഹുല്‍, ഹമീദ് എന്നിവരാണ് ഉള്ളത്.
