പെരുമ്പാവൂര്‍: മോഷണ കേസില്‍ രണ്ടു പേര്‍ പിടിയില്‍. ആസാം ലഹാരിഘട്ട് സ്വദേശി ദില്‍വര്‍ ഹുസൈന്‍ (20) മോഷണമുതല്‍ വാങ്ങിയ വെങ്ങോല കണ്ടന്തറ പാറക്കല്‍ നവാസ് (48) എന്നിവരെയാണ് പെരുമ്പാവൂര്‍ പോലീസ് പിടികൂടിയത്. കഴിഞ്ഞ ഇരുപത്തിയെട്ടിന് പെരുമ്പാവൂര്‍ മാര്‍ത്തോമ കോളേജിന് സമീപമുള്ള പണി നടക്കുന്ന വീട്ടില്‍ നിന്നും 40000 രൂപ വിലവരുന്ന വയറിങ് കേബിളുകളും, ആഗസ്ത് ഒന്നിന് പെരുമ്പാവൂര്‍ കെ.എസ്.ഇ.ബിക്ക് സമീപമുള്ള വീടിന്റെ കോമ്പൗണ്ടില്‍ നിന്നും അലുമിനിയം ഷീറ്റുകളും മോഷ്ടിക്കുകയായിരുന്നു. ഇന്‍സ്‌പെക്ടര്‍ ആര്‍.രഞ്ജിത്ത്, എസ്.ഐ മാരായ വി.എം ഡോളി, ഒ.എസ് രാധാകൃഷ്ണന്‍, എ.എസ്.ഐ ജോഷി തോമസ് എസ്.സി.പി.ഒ മാരായ
പി.എ.അബ്ദുള്‍ മനാഫ്, കെ.പി.അമ്മിണി, ജിഞ്ചു മത്തായി തുടങ്ങിയവരാണ് അന്വേഷണ സംഘത്തിലുണ്ടായിരുന്നത്.
