കോതമംഗലം : തൃക്കാരിയൂരിലെ വെള്ളക്കെട്ട് അടിയന്തരമായി പരിഹരിക്കുക, ക്ഷേത്ര നഗരിയായ തൃക്കാരിയൂരിലെ വെള്ളക്കെട്ട് അടിയന്തരമായി പരിഹരിക്കാനും, കാലാകാലങ്ങളായി തോട് കയ്യേറ്റം കാരണം വെള്ളം ഒഴുകിപ്പോകാൻ കഴിയാത്ത നിലയിലും, തോട് അളന്നു തിട്ടപ്പെടുത്തി അനധികൃത കയ്യേറ്റം ഒഴിപ്പിക്കാനും, തോടുകളിലും, കൈത്തോടുകളിലും, അടിഞ്ഞുകൂടിയ മണ്ണ് നീക്കം ചെയ്തു വെള്ളം സുഖമായി പോകാനുള്ള ഉള്ള കർമ്മ പദ്ധതികളൊന്നും ചെയ്യാതെ നെല്ലിക്കുഴി ഗ്രാമപഞ്ചായത്ത് അധികാരികളും, ജനപ്രതിനിധികളും, ബന്ധപ്പെട്ട അധികാരികളുടേയും അവഗണനയ്ക്കെതിരെ കോൺഗ്രസ് ഐ തൃക്കാരിയൂർ മണ്ഡല കമ്മറ്റി നിൽപ്പു സമരം നടത്തി പ്രതിഷേധിച്ചു.
പ്രതിഷേധ സമരം കെ പി സി സി എക്സിക്യൂട്ടീവ് നിർവാഹകസമിതി അംഗം ശ്രീ കെ പി ബാബു ഉദ്ഘാടനം ചെയ്തു. ഡി സി സി ജനറൽ സെക്രട്ടറി അഡ്വ.അബു മൊയ്ദീൻ മുഖ്യപ്രഭാഷണം നടത്തി. മണ്ഡലം പ്രസിഡണ്ട് എം എം പ്രവീൺ അധ്യക്ഷത വഹിച്ചു. എബി ചേലാട്ട്, ചന്ദ്രലേഖ ശശിധരൻ ,പി പി തങ്കപ്പൻ, സജീവ് സൗപർണിക, എൻ. കെ ശശിധരൻ, ഗോപിനാഥൻ നായർ, സുരേഷ് ആലപ്പാട്ട് ,വിജിത് വിജയൻ ബിനീഷ് എം ആർ, വിജയൻ കാക്കുഴിച്ചാൽ, പി. ഡി മോഹനൻ, തങ്കളം രവി തുടങ്ങിയവർ പ്രസംഗിച്ചു.
