പോത്താനിക്കാട്: കാട്ടുപന്നിയെ കെണിവച്ച് കൊന്ന് ഇറച്ചിയാക്കിയവരെ വനപാലകർ പിടികൂടി. ചാത്തമറ്റം സ്വദേശികളായ മണിയംപാറയിൽ ഫ്രാൻസിസ് (68), നെടുംങ്ങോട്ടിൽ ജോണി ( 52 ) , പഴമ്പിള്ളിത്താഴം ഷിബു (47) എന്നിവരെയാണ് മുള്ളരിങ്ങാട് റെയ്ഞ്ച് ഫോറസ്റ്റ് ഓഫീസർ ടോമിൻ അരഞ്ഞാണിയുടെ നേത്യത്വത്തിലുള്ള സംഘം പിടികൂടിയത് .
ഫ്രാൻസിസ് തൻ്റെ ഉടമസ്ഥതയിലുള്ള സ്ഥലത്ത് വൈദ്യുതി ഉപയോഗിച്ച് കെണിയുണ്ടാക്കി പന്നിയെ കൊല്ലുകയായിരുന്നു. മറ്റു രണ്ടു പ്രതികളേയും കൂട്ടി പന്നിയെ മുറിച്ച് ഇറച്ചി ആക്കുന്ന സമയത്ത് രഹസ്യ വിവരം ലഭിച്ച വനം വകുപ്പ് ഉദ്ദ്യോഗസ്ഥർ ഇവരെ പിടികൂടുകയായിരുന്നു. പ്രതികളെ ഇന്ന് കോടതിയിൽ ഹാജരാക്കും.
