കോതമംഗലം : തോളേലി എം.ഡി. ഹൈസ്കൂളിന്റെ 48 -മത് വാർഷിക ദിനാഘോഷവും, 29 വർഷത്തെ സേവനത്തിന് ശേഷം സർവീസിൽ നിന്ന് വിരമിക്കുന്ന ഷിജി എം.പുന്നക്കുന്നേലിന് യാത്രയയപ്പ് സമ്മേളനവും ആന്റണി ജോൺ എം. എൽ. എ. ഉദ്ഘാടനം ചെയ്തു. വികാരി ഫാ. റിജോ ജോസഫ് കൊച്ചു കുന്നേൽ അധ്യക്ഷത വഹിച്ച ചടങ്ങിൽ കോട്ടപ്പടി പഞ്ചായത്ത് പ്രസിഡന്റ് മിനി ഗോപി, വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ സാറാമ്മ ജോൺ, വാർഡ് മെമ്പർ ഷൈമോൾ ബേബി, സ്കൂൾ മാനേജർ മോളികുട്ടി വികെ, ട്രസ്റ്റിമാരായ പി.പി. മത്തായി പരണായിൽ, ജോർജ് തോമസ് മുതുകാട്ട് , എം.പി.റ്റി. എ പ്രസിഡന്റ് രജനി മനോജ്, അനിൽ ടി കെ എന്നിവർ പ്രസംഗിച്ചു.
2023 ലെ എസ്. എസ് എൽ സി പരീക്ഷയിൽ ഉന്നത വിജയം കരസ്ഥമാക്കിയ കുട്ടികൾക്കുള്ള അവാർഡുകൾ വിതരണം ചെയ്തു. കുട്ടികളുടെ വിവിധ കലാപരിപാടികൾ സംഘടിപ്പിച്ചു.സമ്മാനവിതരണം നടത്തി.
