കോതമംഗലം:വാഹനങ്ങളിലെ ബാറ്ററി മോഷണം വീണ്ടും വ്യാപകമാകുന്നു.
അടിവാടും പരിസര പ്രദേശങ്ങളിലും രാത്രികാലങ്ങളിൽ നിർത്തിയിട്ടിരിക്കുന്ന വാഹനങ്ങളിൽ നിന്നും ഒരു ഇടവേളയ്ക്ക് ശേഷം ബാറ്ററി മോഷണം വീണ്ടും വ്യാപകമാകുന്നു. ആദ്യകാലങ്ങളിൽ വഴിയോരങ്ങളിൽ സ്ഥാപിച്ചിരിക്കുന്ന സോളാർ ലൈറ്റുകളുടെ ബാറ്ററിയാണ് മോഷ്ടാക്കൾ അപഹരിച്ചിരുന്നത്. അവ ലഭ്യമല്ലാതായതോടെയാണ് വാഹനങ്ങളിലെ ബാറ്ററികൾ മോഷ്ടിക്കാൻ തുടങ്ങിയത്.അടിവാട് ഈട്ടിപ്പാറ പുലിക്കുന്നേപ്പടി മാവുടി പുളിന്താനം അടിവാട് തെക്കേ കവല തുടങ്ങിയ സ്ഥലങ്ങളിൽ നിന്നും നിരവധി വാഹനങ്ങളിലെ ബാറ്ററി കൾ കഴിഞ്ഞ രണ്ട് മാസത്തിനിടയിൽ മോഷണം പോയിട്ടുണ്ട്.
ഏറ്റവും അവസാനം കഴിഞ്ഞ ദിവസം രാത്രിയിൽ മൈലൂർ നിന്നും ലോറിയുടെ ബാറ്ററിയും മോഷണം പോയി. ലോറിയുടെ ഉടമ പോത്താനിക്കാട് പോലീസിൽ പരാതി നൽകിയിട്ടുണ്ട്.പോലീസ്
രാത്രികാല പോലീസ് പട്രോളിങ്ങ് ശക്തമാക്കുകയും അടിവാട് ടൗണിൻ്റെ വിവിധ ഭാഗങ്ങളിൽ ക്യാമറകൾ സ്ഥാപിക്കണം എന്നും മോഷ്ടാക്കളെ ഉടൻ പിടി കൂടണം എന്നും പ്രദേശവാസികൾ ആവശ്യപ്പെട്ടു.
