തൃക്കാരിയൂർ മഹാദേവ ക്ഷേത്രതിരുവുത്സവത്തോടനുബന്ധിച്ച് റവന്യൂ വകുപ്പിന്റെ നേതൃത്വത്തിൽ വിവിധ വകുപ്പുകളെ യോജിപ്പിച്ചുകൊണ്ട് കണ്ട്രോൾ റൂം തുറന്നു

കോതമംഗലം : കേരളത്തിലെ 108 ശിവക്ഷേത്രങ്ങളിലെ പ്രധാന ക്ഷേത്രങ്ങളിൽ ഒന്നായ തൃക്കാരിയൂർ മഹാദേവ ക്ഷേത്രത്തിലെ തിരുവുത്സവം മാർച്ച്‌ 14 ന് കൊടിയേറി മാർച്ച്‌ 23 ന് ആറാട്ടോടെ സമാപിക്കുന്ന തിരുഉത്സവത്തോടനുബന്ധിച്ച് ക്ഷേത്ര പരിസരത്ത് റവന്യൂ വകുപ്പിന്റെ നേതൃത്വത്തിൽ വിവിധ വകുപ്പുകളെ ഏകോപിപ്പിച്ചുകൊണ്ടുള്ള കണ്ട്രോൾ റൂമിന്റെ ഉദ്ഘാടനം ആന്റണി ജോൺ എം എൽ എ നിർവഹിച്ചു.

ചടങ്ങിൽ തൃക്കാരിയൂർ വില്ലേജ് ഓഫീസർ ബിജുമോൻ പി ബി, നെല്ലിക്കുഴി ഗ്രാമപഞ്ചായത്ത് സെക്രട്ടറി എസ് എസ് സജാദ്,ദേവസ്വം ബോർഡ് സബ് ഗ്രൂപ്പ്‌ ഓഫീസർ ജിജി മോൻ ബി , ക്ഷേത്ര ഉപദേശക സമിതി സെക്രട്ടറി അജിത് കുമാർ ഇ കെ , പ്രസിഡന്റ് ശ്രീകുമാർ കെ,നെല്ലിക്കുഴി ഗ്രാമപഞ്ചായത്ത് അംഗങ്ങളായ അരുൺ സി ഗോവിന്ദ്, ശോഭ രാധാകൃഷ്ണൻ,സിന്ധു പ്രവീൺ, മെഡിക്കൽ ഓഫീസർ ഡോ സരിൺ ജോയ്, ഹെൽത്ത് ഇൻസ്‌പെക്ടർ എൻ എ ബൈജു ,വിവിധ ഡിപ്പാർട്ട്മെന്റ് ജീവനക്കാർ,കെ പി ജയകുമാർ, എ എൻ രാമചന്ദ്രൻ അമ്പാട്ട്, ക്ഷേത്ര ഉപദേശക സമിതി അംഗങ്ങൾ തുടങ്ങിയവർ പങ്കെടുത്തു.