പെരുമ്പാവൂർ : പെരുമ്പാവൂർ നഗരസഭയിലെ പതിനാലാം വാർഡിൽ ഉൾപ്പെടുന്ന ഇരിങ്ങോൾ കാവിന്റെ മുൻവശത്തുള്ള പെരിയാർ വാലി ബ്രാഞ്ച്‌ കനാൽ റോഡിന്റെ നിർമ്മാണ പ്രവർത്തികൾക്ക് തുടക്കമായി. എംഎൽഎയുടെ 2024 – 25 സാമ്പത്തിക വർഷത്തെ പ്രത്യേക വികസന ഫണ്ടിൽ നിന്ന് അനുവദിച്ച 15 ലക്ഷം രൂപ വിനിയോഗിച്ചാണ് റോഡ് നിർമ്മിക്കുന്നത്. ദിനംപ്രതി നൂറു കണക്കിനാളുകൾ സന്ദർശനത്തിന് എത്തുന്ന ചരിത്ര പ്രാധ്യാന്യമേറിയ ഇരിങ്ങോൾ കാവിന്റെ മുൻ വശത്തെ റോഡ് കട്ട വിരിച്ചു സഞ്ചാര യോഗ്യമാക്കി മാറ്റുക എന്നത് ഇരിങ്ങോൾ നിവാസികളുടെ ഏറെ നാളത്തെ ആവശ്യമായിരുന്നു. റോഡ് നിർമ്മാണ പ്രവർത്തികൾ എൽദോസ് കുന്നപ്പിള്ളി എംഎൽഎ ഉദ്ഘാടനം ചെയ്തു.
പെരുമ്പാവൂർ നഗരസഭ വികസന കാര്യ സ്റ്റാൻഡിങ് കമ്മിറ്റി ചെയർമാൻ അഭിലാഷ് പുതിയേടത്ത് അധ്യക്ഷത വഹിച്ച ചടങ്ങിൽ മുൻനഗരസഭ ചെയർമാൻമാരായ ടിഎം സക്കീർ ഹുസൈൻ, ബിജു ജോൺ ജേക്കബ്, കൗൺസിലർമാരായ അനിത പ്രകാശ്, പി എസ് അഭിലാഷ്, ആനി മാർട്ടിൻ, ശാന്ത പ്രഭാകരൻ, രൂപേഷ് കുമാർ, ഷീബ ബേബി, സേവാദൾ പെരുമ്പാവൂർ മണ്ഡലം പ്രസിഡൻറ് വിജീഷ് വിദ്യാധരൻ, പെരിയാർ വാലി അസിസ്റ്റന്റ് എക്സിക്യൂട്ടീവ് എൻജിനീയർ ഗിലിത, അസിസ്റ്റന്റ് എൻജിനീയർ പ്രതീഷ്, റസിഡൻസ് അസോസിയേഷൻ ഭാരവാഹികളായ കെ എൻ മോഹനൻ, രാമചന്ദ്രൻ, പൊതുപ്രവർത്തകരായ ഷെയ്ഖ് മുഹമ്മദ് അഫ്സൽ, ബിനു ചാക്കോ, ജഫർ റോഡ്രിഗസ്, സഫീർ മുഹമ്മദ്, പോൾ ചെതലൻ, അരുൺ ചാക്കപ്പൻ, തുടങ്ങിയവർ സംസാരിച്ചു.
