കോതമംഗലം: വടാട്ടുപാറയെ കുട്ടമ്പുഴയുമായി ബന്ധിപ്പിക്കുന്ന ബംഗ്ലാവ് കടവ് പാലം യാഥാര്‍ഥ്യമാക്കണമെന്ന് കേരള ഫോറസ്റ്റ് ലേബര്‍ യൂണിയന്‍ (ഐഎന്‍ടിയുസി) വടാട്ടുപാറ മേഖല കണ്‍വന്‍ഷന്‍ ആവശ്യപ്പെട്ടു. കുട്ടമ്പുഴയ്ക്കുള്ള യാത്രാദൂരം നാല് കിലോമീറ്ററായി കുറയ്ക്കുന്നതും കുട്ടമ്പുഴ പഞ്ചായത്തിന്റെ സമഗ്രവികസനം ഉറപ്പ് വരുത്തുന്നതിനും കുട്ടമ്പുഴ-ബംഗ്ലാവ് കടവ് പാലം യാഥാര്‍ഥ്യമാകണം. കൂടാതെ പലവന്‍പടി-കുട്ടമ്പുഴ റോഡും യാഥാര്‍ഥ്യമാക്കണമെന്നും കണ്‍വന്‍ഷന്‍ സര്‍ക്കാരിനോട് ആവശ്യപ്പെട്ടു. ഫോറസ്റ്റ് ലേബര്‍ യൂണിയന്‍ 50-ാം വാര്‍ഷികത്തിന്റെ ഭാഗമായി രാഖി പാര്‍ക്കില്‍ നടത്തിയ കണ്‍വന്‍ഷന്‍ കുട്ടന്പുഴ പഞ്ചായത്ത് മുന്‍ പ്രസിഡന്റ് കെ.എം. അബ്ദുള്ളക്കുഞ്ഞ് ഉദ്ഘാടനം ചെയ്തു. യൂണിയന്‍ പ്രസിഡന്റ് പി.ഐ. പൈലി അധ്യക്ഷത വഹിച്ചു.
