പെരുമ്പാവൂർ: ഡെലിവറി ഏജന്റിന്റെ ഫോൺ തട്ടി പറിച്ച് കടന്ന് കളഞ്ഞ കേസിൽ പ്രതി പിടിയിൽ. തോട്ടു മുഖം കുട്ടമശേരി വാണിയപ്പുരയിൽ ലുഖ്മാനുൽ ഹക്കീം (23) ആണ് പെരുമ്പാവൂർ പോലീസിന്റെ പിടിയിലായത്. 17 ന് പകൽ 11 30 ന് കുന്നുവഴി ഭാഗത്ത് നിൽക്കുകയായിരുന്ന ജീവനക്കാരന്റെ ഫോൺ പ്രതി തട്ടിപ്പറിച്ച് കൊണ്ടു പോവുകയായിരുന്നു. തുടർന്ന് സമാന രീതിയിൽ മോഷണം നടത്തുന്നവരുടെ വിവരങ്ങൾ ശേഖരിച്ച് നടത്തിയ അന്വേഷണത്തിൽ ആലുവയിൽ നിന്ന് പ്രതിയെ പിടികൂടി.മോഷ്ടിച്ച ഫോൺ എറണാകുളം പെൻറ മേനകയിലെ ഒരു ഷോപ്പിൽ നിന്നും കണ്ടെടുത്തു. 2021 ൽ ഇയാൾക്ക് ആലുവ പോലീസ് സ്റ്റേഷനിൽ സമാന സംഭവത്തിന് കേസുണ്ട്. ഇൻസ്പെക്ടർ ആർ.രഞ്ജിത്ത്, എസ്.ഐ റിൻസ് എം തോമസ്, എ.എസ്.ഐ പി.ജി റെജി മോൻ , എസ്.സി.പി. ഒ പി.എ അബ്ദുൽ മനാഫ്, സി.പി. ഒമാരായ ബിബിൻ രാജ് ജിജിമോൻ എന്നിവരാണ് പ്രത്യേക അന്വേഷണ സംഘത്തിലുണ്ടായിരുന്നത്.
