കോതമംഗലം: തങ്കളം ദേവഗിരി ശ്രീ നാരായണ ഗുരുദേവ മഹാക്ഷേത്രത്തിലെ 11-ാമത് പ്രതിഷ്ഠാ മഹോത്സവത്തിന് കൊടിയിറങ്ങി. കഴിഞ്ഞ 5-ാം തീയതി ക്ഷേത്രം തന്ത്രി ബ്രഹ്മശ്രീ നിമേഷ് ശാന്തി കൊടിയേറ്റി .ക്ഷേത്ര ചടങ്ങുകൾക്ക് പുറമെ കുട്ടികളുടെയും മുതിർന്നവരുടെയും വിവിധ കലാപരിപാടികളും വട്ടക്കളിയും നാടകവും ഗാനമേളയുമായി അഞ്ചി ദിവസങ്ങളിലായി നടന്ന ചടങ്ങുകൾക്കാണ് സമാപനമായത്. ഉത്സവചടങ്ങുകളുടെ ഭാഗമായി ചൊവ്വാഴ്ച വൈകിട്ട് കാവടിയുടെയും വാധ്യമേളങ്ങളുടെയും നിശ്ചലദ്യശ്യങ്ങളുടെയും അകമ്പടിയോടെ നടന്ന മഹാരഥഘോഷയാത്രയിൽ നൂറുകണക്കിന് വിശ്വസികൾ അണിനിരന്നു. മതമൈത്രിക്ക് പേരു കേട്ട കോതമംഗലത്ത് ശ്രീനാരായണഗുരുദേവൻ്റെ പഞ്ചലോഹ വിഗ്രഹവും വഹിച്ചു കൊണ്ടുള്ള മഹാരഥഘോഷയാത്രയ്ക്ക് കോതമംഗലം ചെറിയ പള്ളിയുടെയും മതമൈത്രിയുടെയും നേതൃത്വത്തിൽ ഭക്തിനിർഭരമായ സ്വീകരണം നൽകി.
പള്ളി വികാരി ഫാ. ജോസ് പരുത്തുവയലിൽ, ഭരണസമിതി അംഗം ബിനോയി മണ്ണഞ്ചേരി,മതമൈത്രി സംരക്ഷണ സമിതി ചെയർമാൻ എ. ജി. ജോർജ് തുടങ്ങിയവർ നേതൃത്വം നൽകി. അഞ്ച് ദിവസങ്ങളിലായി നടന്ന ആഘോഷ പരിപാടികൾക്ക് എസ്.എൻ.ഡി.പി യൂണിയൻ പ്രസിഡൻ്റ് അജിനാരായണൻ സെക്രട്ടറി പി.എ. സോമൻ,വൈസ് പ്രസിഡൻ്റ് കെ.എസ്.ഷിനിൽകുമാർ, ക്ഷേത്രം കൺവീനർ പി.വി.വാസു, സജീവ് പാറയ്ക്കൽ, എം.വി.രാജീവ്, റ്റി.ജി. അനി, എം.ബി.തിലകൻ, സതി ഉത്തമൻ, മിനിരാജീവ്, എം.കെ. ചന്ദ്ര ബോസ്, അജേഷ് തട്ടേക്കാട് ശാഖായോഗം ഭാരവാഹികൾ തുടങ്ങിയവർ നേതൃത്വം വഹിച്ചു.
