കോതമംഗലം: ഹൈറേഞ്ച് കവാടത്തിലേക്ക് മുഖ്യമന്ത്രി പിണറായി വിജയനെയും മന്ത്രിമാരെയും സ്വീകരിക്കാനെത്തി പതിനായിരങ്ങൾ. ജനകീയ മന്ത്രിസഭ ജനങ്ങളിലേക്കെത്തുന്ന നവ കേരള സദസ്സിന് സാക്ഷിയാകാൻ മലയോര ഗ്രാമങ്ങളിൽ നിന്നും ആദിവാസി ഊരുകളിൽ നിന്നും നിരവധി പേരെത്തി.
ജനപ്രതിനിധികളെ നേരിൽ കണ്ട് പരാതികളും നിർദ്ദേശങ്ങളും നൽകാനായി സ്ത്രീകളും കുട്ടികളുമടക്കം നിരവധിപേർ നേരത്തെ തന്നെ വേദിയിൽ സന്നിഹിതരായിരുന്നു. കേരളത്തിന്റെ ടൂറിസം ഭൂപടത്തിൽ അടയാളപ്പെടുത്തിയിട്ടുള്ള കോതമംഗലത്തിന്റെ ചരിത്രം കണ്ടതിൽവെച്ച് ഏറ്റവും വലിയ ജനസംഗമമാവുകയാണ് മണ്ഡലത്തിന്റെ നവ കേരള സദസ്സ്.
ഗാനമേള, നാടൻപാട്ടുകൾ, കവിത അവതരണം, നൃത്തശില്പം തുടങ്ങിയ കലാപരിപാടികളോടെയാണ് നവ കേരള സദസിന് തുടക്കമായത്. കുട്ടമ്പുഴ പഞ്ചായത്തിലെ ആദിവാസി ഊര് നിവാസികൾ അവതരിപ്പിച്ച മന്നാൻകൂത്തും മുതുവാൻ കൂത്തും ശ്രദ്ധേയമായി
