കോതമംഗലം: മാർ ബേസിൽ ഹയർ സെക്കൻഡറി സ്കൂളും ഊന്നുകൽ ലിറ്റിൽ ഫ്ലവർ ഹൈസ്കൂളും സംയുക്തമായി സ്റ്റുഡൻ്റ്സ് പോലീസ് കേഡറ്റ് പാസിംഗ് ഔട്ട് പരേഡ് നടത്തി. ആൻറണി ജോൺ എം എൽ എ കേഡറ്റ്സിന്റെ സല്യൂട്ട് സ്വീകരിച്ചു. കോതമംഗലം വിദ്യാഭ്യാസ ജില്ലാ ഓഫീസർ ടി.വി മധുസൂദനൻ , സ്കൂൾ മാനേജർ ജോർജ് കൂർപ്പിള്ളി , സബ് ഇൻസ്പെക്ടർ എബി ജോർജ് , വാർഡ് കൗൺസിലർ റിന്‍സ് റോയ് , പിടിഎ പ്രസിഡണ്ടുമാരായ സനീഷ് പി എ , സിബി അഗസ്റ്റിൻ ഹെഡ്മിസ്ട്രസുമാരായ ബിന്ദു വർഗീസ് , ഷീജ മാത്യു പങ്കെടുത്തു.
സാഹിൽ അമീൻ പരേഡ് കമാൻഡറും സി.എം ആര്യനന്ദ അണ്ടർ കമാൻഡറും കൈലാഷ് ദീപു ചന്ദ്ര ,സൗപർണിക ശ്രീജിത്ത് ,അതുൽ ഗോപി ,നമിത ദിലീപ് എന്നിവർ പ്ലറ്റൂൺ കമാൻഡർമാരായി. ഡ്രിൽ ഇൻസ്ട്രക്ടർമാരായ
എ എസ് ഐ സുനിൽ മാത്യു , സി പി ഒ ബിൻസൺ , എ എസ് ഐ സുഹറ , അധ്യാപകരായ എം എ എൽദോസ് , എബിൻ തോമസ് ,ജോഷ്ന ജോർജ് , കെ.എ ബിന്ദു എന്നിവർ നേതൃത്വം നൽകി.
