കോതമംഗലം: സംസ്ഥാനതല സോഷ്യൽ സയൻസ് മേളയിൽ, അറ്റ്ലസ് മേക്കിങ് മത്സരത്തിൽ, ഒന്നാം സ്ഥാനം നേടിയ കുമാരി അക്ഷയ സിജു തുടർച്ച യായ മൂന്നാം വർഷമാണ് സംസ്ഥാന വിജയിയാകുന്നത്.
കോതമംഗലം സെന്റ് അഗസ്റ്റിൻസ് ഗേൾസ് ഹയർസെക്കൻഡറി സ്കൂളിലെ പന്ത്രണ്ടാം ക്ലാസ് വിദ്യാർത്ഥിനിയായ അക്ഷര ,പത്താം ക്ലാസ് വിദ്യാർത്ഥിനി ആയിരിക്കുമ്പോൾ, സംസ്ഥാനതലത്തിൽ അറ്റ്ലസ് മേക്കിങ് മത്സരത്തിൽ പങ്കെടുത്ത് എ ഗ്രേഡ് നേടി, തുടർന്ന് പതിനൊന്നാം ക്ലാസിലും സംസ്ഥാനതലത്തിൽ ഇതേ വിജയം ആവർത്തിച്ചു . ആലപ്പുഴയിൽ, ഇന്ന് സമാപിച്ച സംസ്ഥാന മേളയിൽ, ഇതേ മത്സരത്തിൽ ഒന്നാം സ്ഥാനം നേടിയാണ് അക്ഷര സിജു ശ്രദ്ധ നേടുന്നത്.
കോതമംഗലം പുന്നേക്കാട് കദളിപ്പറമ്പിൽ വീട്ടിൽ,സാഹിത്യകാരനും, ചിത്രകാരനും , കോതമംഗലത്തുള്ള “ക്രിയ ഡിസൈൻ ആർട്ട് ഹബ്ബ് ” എന്ന സ്ഥാപനത്തിന്റെ ഉടമയുമായ സിജു പുന്നേക്കാടിന്റെയും മേരിയുടെയും മകളാണ് അക്ഷര സിജു. സഹോദരി തന്മയ സിജു ഇതേ സ്കൂളിലെ അഞ്ചാം ക്ലാസ് വിദ്യാർത്ഥിനിയാണ്.
ചിത്രകാരനായ പിതാവിന്റെ, ചിത്രകാരിയായ മകളുടെ കഴിവുകൾ കണ്ടെത്തി അറ്റ്ലസ് മേക്കിങ് മത്സരത്തിനായി, അക്ഷര യെ, ഒരുക്കിയ സോഷ്യൽ സയൻസ് അധ്യാപകർക്കും ഇത് അഭിമാന മുഹൂർത്തം.
