കോതമംഗലം: സെന്റ് അഗസ്റ്റിൻസ് ഗേൾസ് ഹയർസെക്കൻഡറി സ്കൂളിൽ, ഇന്നേ ദിനം സംയുക്തമായി ആചരിച്ച സംഗീത ദിനവും യോഗാ ദിനവും പ്രശസ്ത വയലിനിസ്റ്റ് സിദ്ധി വിനായക് ഉദ്ഘാടനം ചെയ്തു. പിടിഎ പ്രസിഡന്റ് സോണി മാത്യു അദ്ധ്യക്ഷത വഹിച്ചു. ഹെഡ് മിസ്ട്രസ് സിസ്റ്റർ റിനി മരിയ യോഗാദിനം, സംഗീത ദിനം ഇവയുടെ പ്രാധാന്യത്തെ കുറിച്ചുള്ള സന്ദേശം നൽകി. പിടിഎ എക്സിക്യൂട്ടീവ് മെമ്പർ ബിജു ഇ. കെ, ശ്രീമതി അനിറ്റ് സിവിൻ, കുമാരി അന്ന എലിസബത്ത് സിജു, കുമാരി എയ്ഞ്ചൽ മാർട്ടിൻ എന്നിവർ ആശംസകൾ അർപ്പിച്ചു.
കുമാരി സ്വാതിക അനിയും സംഘവും അവതരിപ്പിച്ച “സ്വരജതി”യും, സംഗീത അധ്യാപിക സരിത കെ. വർഗീസിന്റെ സംഗീത കച്ചേരിയും, സിദ്ധി വിനായക്,മനു ഡേവിസ് എന്നിവർ അവതരിപ്പിച്ച സംഗീത ഫ്യൂഷനും സംഗീത ദിനത്തെ മനോഹരമാക്കിയപ്പോൾ, യോഗ ദിനത്തിന്റെ ഭാഗമായി,അധ്യാപിക പ്രജീഷ യുടെ നേതൃത്വത്തിൽ കുട്ടികൾ യോഗ ഡാൻസ് അവതരിപ്പിച്ചു.
