കോതമംഗലം: ശ്രീനാരായണ ഗുരുദേവൻ്റെ 167-ാമത് ജയന്തി ആഘോഷത്തിന് യൂണിയൻ പ്രസിഡൻ്റ് അജി നാരായണൻ ഭദ്രദീപം കൊളുത്തി തുടക്കം കുറിച്ചു. ദേവഗിരി ശ്രീ നാരായണ ഗുരുദേവ മഹാക്ഷേത്രത്തിൽ നടന്ന ചടങ്ങിന് യൂണിയൻ സെക്രട്ടറി പി.എ.സോമൻ, വൈസ് പ്രസിഡൻ്റ് കെ.എസ്ഷിനിൽകുമാർ, ബോർഡ് അംഗം സജീവ് പാറയ്ക്കൽ, ക്ഷേത്രം പി.വി.വാസു തുടങ്ങിയവർ നേതൃത്വം നൽകി. ചടങ്ങിൽ നിരവതി ഭക്തജനങ്ങളും സന്നിഹിതരായിരുന്നു.
യൂണിയന് കീഴിലുള്ള കരിങ്ങഴ ശാഖയിലെ ജയന്തി ആഘോഷവും വിദ്യഭ്യാസ അവാർഡ് വിതരണവും യൂണിയൻ പ്രസിഡൻ്റ് അജി നാരായണനും കറുകടം, വെണ്ടുവഴി,പിണ്ടിമന ശാഖകളിൽ നടന്ന ജയന്തി ആഘോഷവും വിദ്യഭ്യാസ അവാർഡ് വിതരണവും യൂണിയൻ സെക്രട്ടറി പി.എ.സോമനും ഉദ്ഘാടനം ചെയ്തു.
കോതമംഗലം, കോട്ടപ്പടി, പാലമറ്റം, തട്ടേക്കാട്, മണികണ്ടംചാൽ,കുട്ടമ്പുഴ, മാമലക്കണ്ടം, ഇടമലയാർ, നേര്യമംഗലം, ചെമ്പൻകുഴി ,തലക്കോട്, ഉപ്പു കുളം, നെല്ലിമറ്റം, മടിയൂർ, പോത്താനിക്കാട്, പൈങ്ങോട്ടൂർ, പനങ്കര, നെടുവക്കാട്, വാരപ്പെട്ടി, ഇളങ്ങവം, ചെറുവട്ടൂർ, മുളവൂർ എന്നീ ശാഖകളിൽ നടന്ന ആഘോഷ പരിപടികളും വിദ്യഭ്യാസ അവാർഡ് വിതരണവും ശാഖാ യോഗത്തിൻ്റെ നേതാക്കൻമാർ ഉദ്ഘാടനം ചെയ്തു. വിശിഷ്ട സേവനത്തിനുള്ള മുഖ്യമന്ത്രിയുടെ പോലിസ് മെഡൽ നേടിയ പിണി മനശാഖാ ഗുമായ അജി പൈനു മറ്റത്തിലിനെ ശാഖാ പ്രസിഡൻ്റ് സി.എസ് രവീന്ദ്രൻ പൊന്നാട അണിയച്ച് ആദരിച്ചു.
