പെരുമ്പാവൂര്: സ്കൂട്ടറില് കറങ്ങിനടന്ന് ലഹരിമരുന്ന് വില്ക്കുന്നതിനിടെ ഇതര സംസ്ഥാനക്കാരന് പിടിയിലായി. ആസാം സ്വദേശി അനാറുല് ഹുസൈന് (28) ആണ് അറസ്റ്റിലായത്. കുന്നത്തുനാട് എക്സൈസ് സര്ക്കിള് ടീം പെരുമ്പാവൂര് ടൗണ് കേന്ദ്രീകരിച്ച് നടത്തിയ മിന്നല് പരിശോധനയില് പി.പി. റോഡില് ഹോട്ടല് അമല് പാലസിന്റെ സമീപത്ത് നിന്നാണ് പ്രതിയെ പിടികൂടിയത്. ഇയാളുടെ പക്കല് നിന്ന് വിപണിയില് ഏകദേശം മൂന്നു ലക്ഷത്തോളം രൂപ വിലവരുന്ന 26 ഡപ്പി ഹെറോയിന്, ബൈക്ക്, 1800 രൂപ എന്നിവ പിടിച്ചെടുത്തു.
പെരുമ്പാവൂരില് സ്കൂട്ടറിലെത്തി ഇതരസംസ്ഥാനക്കാരന് ലഹരിമരുന്ന് വില്ക്കുന്നുണ്ടെന്ന് കുന്നത്തുനാട് എക്സൈസ് സര്ക്കിള് ഇന്സ്പെക്ടര് എസ്. ബിനുവിന് ലഭിച്ച രഹസ്യവിവരത്തിന്റെ അടിസ്ഥാനത്തിലായിരുന്നു പരിശോധന.
അസി. എക്സൈസ് ഇന്സ്പെക്ടര് സലിം യൂസഫ്, പ്രിവന്റീവ് ഓഫീസര്മാരായ സി.ബി. രഞ്ചു, സിവില് എക്സൈസ് ഓഫീസര്മാരായ എം.ആര്. രാജേഷ്, പി.ആര്. അനുരാജ്, പി.വി. വികാന്ത്, ജിതിന് ഗോപി, എ.ബി. സുരേഷ് എന്നിവര് അന്വേഷണ സംഘത്തിലുണ്ടായിരുന്നു.
