CHUTTUVATTOM

ലോക പ്രശസ്തനായ സാധു ഇട്ടിഅവിരയെന്ന വലിയ മനുഷ്യനെ ആദരിച്ചു ശിശുദിനം

Published

3 years ago

November 14, 2019

kothamangalamnews.com

നെല്ലിക്കുഴി : അന്താരാഷ്ട്ര പ്രശസ്തമായ ഷ്വെറ്റ്സർ അവാർഡ് ജേതാവായ ആത്മീയചിന്തകനും എഴുത്തുകാരനുമായ സാധു ഇട്ടിഅവിര എന്ന മഹാപ്രതിഭയെയാണ് ശിശുദിനത്തിൽ ചെറുവട്ടൂർ ഗവ.മോഡൽ ഹയർ സെക്കന്ററി സ്കൂളിലെ കുട്ടികൾ കുറ്റിലഞ്ഞിയിലെ വീട്ടിലെത്തി ആദരിച്ചത്. ജൈവവൈവിധ്യ സമ്പന്നതയുടെ നടുവിൽ ഒരുപൂങ്കാവനംപോലെയുള്ള വിശാലമായ പ്രകൃതിയിൽ നിലകൊള്ളുന്ന സാധു
ഇട്ടിഅവിരയുടെ വീട്ടിലേയ്ക്ക് പ്രകൃതിയിൽ നിന്നും ശേഖരിച്ച നാടൻ പൂക്കളുമായിട്ടായിരുന്നു കുട്ടികൾ എത്തിയത്. 98 വയസ്സിന്റെ അവശതയും വാർദ്ധക്യ സഹജമായ ആലസ്യവും മറന്ന് സാധു ഇട്ടിഅവിരയും കുടുംബവും കുട്ടിക്കൂട്ടത്തെ വരവേറ്റു.

25 ഓളംവരുന്ന UP മുതൽ പ്ലസ്ടു വരെയുള്ള വിദ്യാർത്ഥികളുടെ ഗ്രൂപ്പ് ഇന്റർവ്യുവിലെ എല്ലാത്തരം ചോദ്യങ്ങൾക്കും സ്നേഹത്തിലും കുസൃതിയിലും ചാലിച്ചമറുപടി നൽകിയ സാധു ഇട്ടിഅവിര ഒരു കലാലയത്തിന്റെശിശുദിനാഘോ ഷത്തെ അർത്ഥപൂർണ്ണമാക്കി. ചിരിയും ചിന്തയുമായി ഒരു മണിക്കൂർ നേരം ചിലവഴിച്ച കുട്ടികൾ വിവിധ ഭാഷകളിലായി 120 ഓളം പുസ്തകങ്ങൾ എഴുതിയ ആ മഹാപ്രതിഭയെ പൊന്നാടയണിച്ചു. സ്കൂളിന്റെ സ്നേഹോപഹാരമായി കേക്കും ലഡുവും സമ്മാനിച്ചു. തിരിച്ച് കുട്ടികൾക്ക് മിഠായിയും നിരവധി പുസ്തകങ്ങളും വിതരണം ചെയ്ത ആ വന്ദ്യവയോധികൻ ഒരുവേള അവരിലൊരാളായി.
സംസ്ഥാന വിദ്യാഭ്യാസ വകുപ്പ് ശിശുദിനം മുതൽ ഈ മാസം 28 വരെ നടത്തുന്ന പ്രതിഭകളെ ആദരിക്കുന്ന പരിപാടിയോട് അനുബന്ധിച്ചായിരുന്നു സാധു ഇട്ടിഅവിരയുടെ വീട്ടിലേക്കുള്ള സ്നേഹാദരയാത്ര.

പി.ടി.എ.പ്രസിഡന്റ് സലാം കവാട്ട്, സ്റ്റാഫ് സെക്രട്ടറിമാരായ സന്ദീപ് ജോസഫ്, സി.എ.മുഹമ്മദ്, എൻ.എസ്.എസ്.പ്രോഗ്രാം ഓഫീസർ എസ്.ശ്രീകുമാർ, സീനിയർ അധ്യാപകരായ എൻ.പി.നസീമ, ടി.എൻ.സിന്ധു, പി.ടി.എ. മെംബർമാരായ
യൂസഫ് കാട്ടാംകുഴി, പി.എ.സുബൈർ, മനോജ് കാനാട്ട്, പ്രവീണ വിനോദ്, കായിക അധ്യാപകൻ ടി.പ്രതാപ്കുമാർ, ഷീല ഐസക്ക്,ദീപ്തി, അൻസിയ, ആതിര, ബാദുഷ പി.എസ്. എന്നിവർ സ്നേഹാദര യാത്രയ്ക്ക് നേതൃത്വം നൽകി.

ഈ ചടങ്ങിന് മുന്നോടിയായി സ്കൂൾ അങ്കണത്തിൽ നിന്നും ആരംഭിച്ച് ചെറുവട്ടൂർ കവലചുറ്റി ചെണ്ടമേളങ്ങളുടെ അകമ്പടിയോടെ നൂറുകണക്കിന് കുട്ടികൾ അണിനിരന്ന വർണ്ണശബളമായ ശിശുദിന റാലിയും നടന്നു. വെള്ളതൊപ്പിയണിഞ്ഞ് റോസാപ്പൂചൂടി ചാച്ചാജിമാരായി കുഞ്ഞുകുട്ടികൾ വേഷമിട്ട റാലി നാട്ടുകാരുടെ മനം കവർന്നു. വാർഡ് മെംബർ എം.കെ.സുരേഷ്, പി.ടി.എ.പ്രസിഡന്റ് സലാം കാവാട്ട്,ഹെഡ്മിസ്ട്രസ്സ് കെ.മൈമൂന, കെ.എം.ബാവു, പി.എൻ.സന്തോഷ്, പി.എസ്.ഷംസുദ്ദീൻ, കെ.എച്ച്.സൈനുദ്ദീൻ,
പി.ബി. ജലാലുദ്ദീൻ, കെ.എം.റെമിൽ, ശ്രീധരൻ, സുഹൈൽ, അനു സോനുകുമാർ, ദീപ്തി ജോൺ എന്നിവരും പി.ടി.എ, എസ്.എം.ഡി.സി. മെംബർമാരും, നിരവധി അധ്യാപകരും ശിശുദിനറാലിയ്ക്ക് നേതൃത്യം നൽകി.

CHUTTUVATTOM

റേഷൻ വ്യാപാരികൾ കോതമംഗലം താലൂക്ക് സപ്ലൈ ഓഫീസിന് മുന്നിൽ ധർണ്ണ നടത്തി

Published

5 days ago

September 26, 2022

kothamangalamnews.com

കോതമംഗലം : റേഷൻ വ്യാപാരികളോട് സർക്കാർ കാണിക്കുന്ന അവഗണന അവസാനിപ്പിക്കണമെന്ന് ആവശ്യപ്പെട്ടുകൊണ്ട് കോതമംഗലം താലൂക്ക് സപ്ലൈ ഓഫീസിന് മുമ്പിൽ റേഷൻ വ്യാപാരികൾ പ്രതിഷേധ ധർണ്ണ നടത്തി. വേതന പാക്കേജ് കാലോചിതമായി പരിഷ്കരിക്കുക , വിതരണം കഴിഞ്ഞ് അഞ്ചു ദിവസത്തിനുള്ളിൽ വേതനം നൽകുമെന്ന വാക്ക് പാലിക്കുക , ഓണം ഉത്സവബത്തയും, ഓഗസ്റ്റ് മാസത്തെ കമ്മീഷനും ഉടൻ ലഭ്യമാക്കുക, കിറ്റിന് കമ്മീഷൻ നൽകണമെന്ന ഹൈക്കോടതി വിധി ഉടൻ നടപ്പിലാക്കുക, മണ്ണെണ്ണ ഡോർ ഡെലിവറിയായി നൽകുക, പഞ്ചസാര കമ്മീഷൻ വർദ്ധിപ്പിക്കുക , തുടങ്ങിയ ആവശ്യങ്ങൾ ഉന്നയിച്ചാണ് ധർണ നടത്തിയത്. ധർണ സമരം സംഘടനയുടെ ജില്ല പ്രസിഡന്റ്.വി .വി. ബേബി ഉദ്ഘാടനം ചെയ്‌തു. ജില്ല വൈസ് പ്രസിഡണ്ട് മാജോ മാത്യു, എം എസ്. സോമൻ, എം.എം.രവി.തുടങ്ങിയവർ സംബന്ധിച്ചു.

CHUTTUVATTOM

പട്ടികജാതി ക്ഷേമ സമിതി നടത്തുന്ന സംസ്ഥാന പ്രചാരണ ജാഥയ്ക്ക് കോതമംഗലത്ത് ഉജ്ജല വരവേൽപ്പ് നൽകി.

Published

5 days ago

September 26, 2022

kothamangalamnews.com

കോതമംഗലം: എല്ലാവർക്കും ഭൂമിയും വീടും, എയ്ഡഡ് മേഖലയിൽ തൊഴിൽ സംവരണം ,മെച്ചപ്പെട്ട വിദ്യാഭ്യാസം എന്നി ആവശ്യങ്ങൾ ഉന്നയിച്ച്‌ പട്ടികജാതി ക്ഷേമ സമിതി നടത്തുന്ന സംസ്ഥാന പ്രചാരണ ജാഥയ്ക്ക് കോതമംഗലത്ത് ഉജ്ജല വരവേൽപ്പ് നൽകി. പികെഎസ് സംസ്ഥാന സെക്രട്ടറി അഡ്വ. കെ സോമപ്രസാദ് എക്സ് എം പി ക്യാപ്ടനായ ജാഥയെ താളമേള വാദ്യ കലാരൂപങ്ങളുടെ അകമ്പടിയോടെ പോസ്റ്റോഫീസ് കവലയിൽ സ്വീകരണം നൽകി
മുനിസിപ്പൽ ഓഫീസിലേക്ക് ആനയിച്ചു. നൂറ് കണക്കിന് പ്രവർത്തകർ പങ്കെടുത്തു.
തുടർന്ന് നടന്ന സ്വീകരണ സമ്മേളനത്തിൽ പി കെ എസ് ഏരിയ പ്രസിഡൻ്റ് പി ആർ വിനോദ് അധ്യക്ഷനായി.

ജാഥ ക്യാപ്ടൻ അഡ്വ. കെ സോമപ്രസാദ് , ആൻ്റണി ജോൺ എം എൽ എ ,
വൈസ് ക്യാപ്റ്റൻ വണ്ടിത്തടം മധു, ജാഥാ മാനേജർ വി ആർ ശാലിനി, എസ് അജയകുമാർ, കെ ശാന്തകുമാരി എംഎൽഎ, സി കെ ഗിരിജ ,സിപിഐ എം സംസ്ഥാന കമ്മിറ്റിയംഗം എസ് സതീഷ് , ജില്ലാ സെക്രട്ടറിയറ്റംഗം ആർ അനിൽ കുമാർ, ഏരിയ സെക്രട്ടറിമാരായ കെ എ ജോയി, ഷാജി മുഹമ്മദ് , സ്വാഗതസംഘം ചെയർമാൻ സി പി എസ് ബാലൻ, കെ സി അയ്യപ്പൻ, എം എൻ ശശി, ശശി കുമാർ എന്നിവർ സംസാരിച്ചു.

CHUTTUVATTOM

ഓൾ കേരള പ്രൈവറ്റ് ബാങ്കേഴ്സ് അസോസിയേഷൻ കോതമംഗലം താലൂക്കിന്റെ വാർഷിക പൊതുയോഗവും കുടുംബസംഗമവും നടന്നു.

Published

5 days ago

September 26, 2022

kothamangalamnews.com

കോതമംഗലം : ഓൾ കേരള പ്രൈവറ്റ് ബാങ്ക് അസോസിയേഷൻ കോതമംഗലം താലൂക്കിന്റെ ഇരുപതാമത് വാർഷിക പൊതുയോഗവും കുടുംബ സംഗമവും ഫാസ് ഓഡിറ്റോറിയത്തിൽ(കോഴിപ്പിള്ളി പാലത്തിനു സമീപം)വച്ച് നടന്നു. പ്രസിഡന്റ് ബിജു താമരച്ചാലിൽ അധ്യക്ഷത വഹിച്ച ചടങ്ങിൽ ആന്റണി ജോൺ എം എൽ എ പരിപാടി ഉദ്ഘാടനം ചെയ്തു. ജില്ലാ പ്രസിഡന്റ് ഫ്രാൻസിസ് സേവ്യർ,സംസ്ഥാന സീനിയർ വൈസ് പ്രസിഡന്റ്,താലൂക്ക് രക്ഷാധികാരി ഇ പി ജോസ്,സംസ്ഥാന രക്ഷാധികാരി സി എം ജേക്കബ്,സംസ്ഥാന വൈസ് പ്രസിഡന്റ്,കുന്നത്തുനാട് താലൂക്ക് പ്രസിഡന്റ് ഗീവർഗീസ് ബാബു ജില്ലാ സെക്രട്ടറി എം വി ഗിരീഷ്,മുവാറ്റുപുഴ താലൂക്ക് പ്രസിഡന്റ് ജോർജ് ജോൺ റ്റി,ജില്ലാ കമ്മറ്റി മെമ്പർ സജി മത്തായി,ജില്ലാ ട്രഷറർ മത്തായി ജോൺ എന്നിവർ ചടങ്ങിൽ സന്നിഹിതരായിരുന്നു. വൈസ് പ്രസിഡന്റ് വിശ്വനാഥൻ പി പി സ്വാഗതവും സെക്രട്ടറി ടോണി മാത്യു കൃതജ്ഞതയും പറഞ്ഞു.