കോതമംഗലം : 21 മത് റവന്യൂ ജില്ലാ സ്കൂൾ കായിക മേള 21,22,23 തിയതികളില്‍ കോതമംഗലത്ത് നടക്കും. സംഘാടക സമിതി യോഗം ആന്റണി ജോൺ എംഎല്‍എ ഉദ്ഘാടനം ചെയ്തു. കോതമംഗലം നഗരസഭ ചെയര്‍മാന്‍ കെ. കെ. ടോമി അധ്യക്ഷത വഹിച്ചു. ജില്ലാ വിദ്യാഭ്യാസ ഉപ ഡയറക്‌ടര്‍ ഹണി ജി. അലക്സാണ്ടര്‍, നഗരസഭ സ്ഥിരം സമിതി അധ്യക്ഷരായ കെ.വി.തോമസ്, ജോസ് വര്‍ഗീസ്, കെ.എ. നൗഷാദ്, അംഗങ്ങളായ എൽദോസ് പോൾ, റിൻസ് റോയ്,ഡിഇഒ പി.സി.ഗീത,ജില്ലാ സ്പോര്‍ട്സ് സെക്രട്ടറി ജോർജ് ജോൺ,കോതമംഗലം മാര്‍ ബേസില്‍ എച്ച്. എസ്. എസ്. പ്രിന്‍സിപ്പല്‍ ഫാ. പി. ഒ. പൗലോസ്,പ്രധാന അധ്യാപിക ബിന്ദു വര്‍ഗീസ് തുടങ്ങിയവര്‍ സംസാരിച്ചു.
മന്ത്രി പി.രാജീവ് രക്ഷാധികാരിയായും ജില്ലയിലെ എംപിമാര്‍,എംഎല്‍എമാര്‍ എന്നിവര്‍
സഹ രക്ഷാധികാരികളായും
ആന്റണി ജോൺ എംഎല്‍എ ചെയര്‍മാനായും കോതമംഗലം നഗരസഭ ചെയര്‍മാന്‍ കെ. കെ. ടോമി വൈസ് ചെയര്‍മാനായും ജില്ലാ വിദ്യാഭ്യാസ ഉപ ഡയറക്‌ടര്‍ ഹണി ജി. അലക്സാണ്ടര്‍ ജനറല്‍ കണ്‍വീനറായും സംഘാടക സമിതി രൂപീകരിച്ചു.കോതമംഗലം നഗരസഭ അംഗങ്ങൾ ചെയർമാനായും അധ്യാപക സംഘടനാ പ്രതിനിധികള്‍ കണ്‍വീനറായും വിവിധ സബ് കമ്മറ്റികളും രൂപീകരിച്ചു.14 ഉപ ജില്ലകളില്‍ നിന്നായി 93 ഇനങ്ങളില്‍ സബ് ജൂനിയര്‍,ജൂനിയര്‍, സീനിയര്‍ വിഭാഗങ്ങളില്‍
2600ഓളം കുട്ടികൾ മേളയില്‍ പങ്കെടുക്കും.
